【兄弟】校草級哥哥才貌兼備 弟弟無樣叻 被比較到懷疑人生
Photo from 《大師兄》劇照
兄弟同校常被比較
事主在 schools.secrets發帖，他是一名中四學生，哥哥則讀中五，兩兄弟讀同一間學校，理應互相照顧，事實卻是無奈，他詢問網友：「大家有冇試過兄弟姊妹讀同一間學校嗰陣，會不停俾人攞嚟做比較？」更慘的是，他是被比下去的一方，在哥哥面前，幾乎沒有優勢。
他說：「我同佢完全唔同，我仲不停懷疑我唔係親生，佢係典型嘅人生贏家，佢除咗係藝術天份比較差少少之外就冇嘢輸，除咗係校草，仲要180+，讀書運動冇嘢難到佢 (可以話係現實版碓氷拓海)。」
Photo from 網上圖片
各方面都不如哥哥
據事主形容，他與哥哥完全相反，在校內只屬路人一個，成績中等，除了「寫program叻之外就冇嘢好讚」。由於兩兄弟年歲接近，老師常拿來比較。「教過我阿哥嘅老師都試過同我講，我阿哥點點點，我咁都唔識，bla bla bla.....一係連我個名都唔記，會叫我阿XXX個細佬.....有啲知道我哋係兩兄弟之後都好驚訝仲話聯想唔到我哋係兩兄弟.....」
Photo from 《青春本我》劇照
找屬於自己的出路
在家庭關係上，事主亦覺得父母把所有心機放在哥哥身上，他需要迫自己事事做足120分，希望能拉近與哥哥的距離。在哥哥的光環下，他長期受極大壓力，近日更突然覺得有負面情緒，擔心最終變成抑鬱。他問大家：「其實係我問題(自己睇得呢樣嘢太重)，定係有差唔多處境嘅人都會係咁？」
網民則勸慰：「睇開啲，冇比較就冇傷害」、「你始終係你，你有自己嘅亮點同價值」、「放棄追逐佢，多啲搵下自己鍾意啲乜發展所長」。不少人認同，既然事主在電腦方面較有優勢，應該從興趣和長處入手，便會找到一條屬於自己的路，「唔好太在意一時嘅快慢名次，你努力跑落去，終會跑出彩虹」。
延伸閱讀：
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
