【二胎】老公仔仔齊齊病大肚孫慧雪通宵照顧感嘆做二寶媽是「幾倍嘅辛苦」

By Dara on 20 Mar 2023

Deputy Managing Editor

當自己成為父母，才明白父母的喜怒哀樂，以及無私的愛！

現年40歲的孫慧雪自從宣布懷上二胎後，比一般孕婦巨大的肚子成為媽媽界的話題。懷孕後她繼續拍劇，日前又發放多款孕照，足見狀態十足。不過作為二胎媽媽，她不得不說佗得比第一胎辛苦，尤其是當丈夫和仔仔齊齊生病時。

Photo from snow711@IG

懷孕各項指數都正常

有「宅男女神」之稱的雪雪，2016年與圈外男朋友Edwin結婚，翌年7月誕下大仔Riley，今年1月再宣布懷第二胎。當年雪雪佗大仔時，孕肚達43吋惹來不少人關注，今胎 20周，只不過孕期一半，肚子已像六、七個月，大得可以拍攝孕照，巨肚惹來外界誤會她懷上雙胞胎，甚至以為她患上妊娠糖尿。

雪雪澄清：「已經照咗結構啦，果然，BB 不同嘅部位size，都喺生長線嘅8、90%，腳長甚至達到98.5%^^，近乎21週size（size 大咗2周）。一切指數正常，無妊娠糖尿，無高血壓，而且醫生原本最擔心嘅問題，就係腺肌瘤可能會將胎位壓低，如果見到宮頸距離短就有可能早產，但幸好呢個情況都無出現，暫時一切順利。我無特別食得多，或者食補品，只係維持正常飲食！希望繼續順利。」

Photo from snow711@IG

捱通宵照顧老公和兒子

日前雪雪連續多日，在社交網頁發放多輯靚靚孕照，曬巨肚和長腿，十分吸睛。表面上她狀態極佳，實際上佗二胎並不容易，她不禁呻：「最近漸漸感受到二寶媽嘅辛酸」。她指：「記得上一胎，想休息就休息，隨時瞓隨時食，真係開心！」

到了這一胎，大仔已經5歲，需要接送上學，令她不能隨心所欲地休息。「今次已經有小朋友再佗住個，已經不能夠話瞓就瞓，仲要早早起身照顧小朋友！」上星期更加是雪雪的一大考驗，丈夫Edwin患了嚴重腸胃炎，需要躺床休養，正所謂「屋漏偏逢連夜雨」，當晚兒子Riley發高燒，大着肚子的雪雪，只好捱「通宵更」，每兩個小時幫他們探熱餵藥。

Photo from snow711@IG

生兩個是幾倍的辛苦

以為捱到第二朝便沒事，結果「第二朝仲大鑊」，「佢（兒子）一飲水就嘔，嘔到成床係，再出廳坐然後再嘔！剛剛撞正星期日姐姐放假，所以就得自己喺度不停清潔同照顧，最終因為太攰，咁就連我都傷風感冒咗成個星期。我開始明白，好多二孩父母勸我，話有兩個小朋友，唔係雙倍嘅辛苦，而係幾倍嘅辛苦。」

Photo from snow711@IG

即使二胎懷孕過程不易，但雪雪「期待比疲累多！甜比苦多嘅」，網友亦為她打氣：「二寶媽加油」、「加油啊二寶媽！能夠睇住二個寶寶長大係一件幸福嘅事」、「先苦後甜。有兩個仔女，以後老咗，就比較容易。兩個仔女可以分擔照顧年老父母」、「加油呀雪雪！媽媽最偉大！！」。有人勸雪雪小心身體，「忙還忙都要好好休息唔好捱壞身體，感冒記得睇醫生，仲有小心飲食」。亦有過來人指出，第二胎生出來後才是真正開始，「永遠覺得時間唔夠用」，無論如何，多胎媽媽都非常不容易！