download MamiDaily 親子日常 app
【中學生拍拖】中學生拍拖被「斷正」 學校推嚴令要杜絕情況  男女生要保持社交距離 犯規會通知家長!

【中學生拍拖】中學生拍拖被「斷正」 學校推嚴令要杜絕情況 男女生要保持社交距離 犯規會通知家長!

mami熱話
By Fanny Hung on 02 Mar 2023
Senior Editor

相信大家都有討論過「中學生應否談戀愛」,很多學生甚至認為今時今日學校仍然阻止學生談戀愛,是過氣和很老土,偏偏多數學校都是採取偏保守的處理態度。有學生在網上平台發文,表示學校發現有學生拍拖後,竟然採取了一連串「打擊」措施,令發文學生認為好無道理!

有學校因發現有學生拍拖,要求異性之間要有社交距離。Photo from MamiDaily

保持1.5米社交距離

發文的中六學生表示,「聽聞」學校發現有中四學生和中一學生拍拖「斷正」,又有領袖生目睹有一男一女在隱蔽地方做不雅行為,之後學校做了一堆被他形容為垃圾的措施,包括男女不可以獨處和單獨吃飯、要有1.5米社交距離;就連校外都要遵守校規,領袖生會和老師「幫手捉」,如有發現會通報學校,違規者除了會受處罰,還會通知家長。

發文學生表示,不理解為何有如此措施。Photo from 《教束》劇照

男女行埋一齊已有嘢?

樓主對學校措施甚為不解,又言「我就真係唔信每班嘅枱凳隔1.5米囉」、「之前又叫我哋要好好認識同學,而家又話男同女要隔1.5米???」、「仲話我哋將師兄師姐帶落嚟嘅校譽全部抹走晒?」他又表示明明很多高年級在拍拖,但只留低年級的訓話。之後他進一步說「如果你話男女一齊去食飯就有嘢?咁某個老師咪同其他女老師有嘢」、「我夠有同其他女仔去食去玩,咁我哋就係有野」,言指學校矯枉過正。他又提出同性可以一同行,異性就不可以,但譬如領袖生巡樓是一男一女,又是否代表他們「有嘢」?又問領袖生就一定信得過?言談之可感受到樓主很憤怒。

在校內只要男女同學走在一起,就可能犯校規?Photo from 《教束》劇照

學校反應過大

很多網民都認為樓主學校的反應過大,「家陣塔利班咩,不如男女隔層紗分開上堂?」、「如果佢哋咁反對拍拖,就算係男/女校,全間學校學生同一性別都冇用,因為多元社會,點都係會有學生拍拖,講到尾都係樓主學校校方太過古董」、 「俾人發現會通知家長,咁如果家長同意自己仔女拍拖,咁又關學校咩事呢」、「管咁多做乜丫⋯全部人唔拍拖係咪保證全部都可以升上大學先⋯⋯」

又有人說「都係個句,唔影響成績,唔會搞出人命,拍拖其實係一件非常好既事,可以令人懂得相處」,同時有網民反指「要保持學校有良好嘅聲譽,要由校長同老師做起,所以全校嘅校長同老師都要以身作則,結咗婚嘅要離婚,拍緊拖嘅要分手」。

網民說學校應該以身作則,男女老師也要保持距離。Photo from 《教束》劇照

延伸閱讀:

延伸閱讀:

Text:Mami Editorial

 

 

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道