陳柏宇質疑自己「造人能力」 老婆懷孕初期出血嚇餐死

陳柏宇 (Jason) 同太太符曉薇(Leanne) 日前係網上宣佈造人成功一索得女，第二日就上商台為《口水多過浪花》擔任客席主持，大爆唔少得意事。Jason表示，太太既預產期會係10月，係天坪座，主持鄭裕玲更表示：「天坪座多靚囡！」

成屋驗孕棒  質疑自己「造人能力」

陳柏同太太都好中意小朋友，所以結婚無耐就不斷嘗試，由舊年6月開始到1月，買到成屋都係驗孕棒。過程中，一直都「冇聲氣」，陳柏都幾度質疑自己「造人能力」，表示：「一直都冇動靜，好似自己唔得咁，樂趣都冇晒，宜家冇事啦。」

懷孕初期出血嚇餐死

Leanne頭幾個月時，都似有出血跡象，陳柏立即同佢睇醫生，好彩最後食安胎藥就冇事，所以都唔會做啲粗重家務。

近日，懷孕中期Leanne就係IG分享：「點解d人話大肚婆好訓得，但我晚晚眼光光」

性別真驚喜

影片上真驚喜，當時陳柏同老婆真係唔知小朋友性別，因診所把BB性別資料交畀陳柏朋友，由朋友訂蛋糕。

囡囡出世多人做契爺、契媽

Jason好感激好多人愛自己同太太，唔少人做囡囡契爺、契媽，所以設立左個「陳柏宇囡囡基金」，將契爺、契媽既上契利是放入基金。

Text: Mami Editorial

Photo Source:陳柏宇、符曉薇@Instagram