download MamiDaily 親子日常 app
【二手買賣】小學生賣二手玩具唔小心收多$8 誠懇認錯兼退款遭買家公審:係誠信問題!

【二手買賣】小學生賣二手玩具唔小心收多$8 誠懇認錯兼退款遭買家公審:係誠信問題!

mami熱話
By conniewong on 24 Feb 2023
Digital Editor

現今社會推崇環保,提倡將不用的舊物捐贈或交換,市面上亦陸續有不少二手物品買賣平台。惟這些平台上的自由買賣,未受嚴格監管,導致不時會出現交易糾紛。而日前一名小學生在出售二手物品時,卻因不小心收多錢,而被買家網上公審。

小學生在網上出售二手物品Photo from 劇照《季前賽》

港男公審學生

一名港男在社交平台上發起公審,表示在二手買賣平台上遭一名小學生騙錢,引來網上爭議。雙方就一項$48的畫圖猜謎遊戲進行交易,起初小學生禮貌詢問交收詳情,並表示因年幼未有戶口和支付工具,所以無法郵寄到付。故此,事主則主動提出補貼$30車費,讓學生遷就交收地點,「我比多30(元)你,中環交收ok??」,並約定翌日下午5:30, 到中環地鐵站見面。

港男公審一名小學生在網上騙錢Photo from 翻攝自FB《Carousell 乞衣+閪客關注組》

雙方就一項$48的畫圖猜謎遊戲進行交易Photo from 翻攝自FB《Carousell 乞衣+閪客關注組》

立刻向學生問責

當日小學生放學後,就親自前往中環交收;惟事主卻是命令下屬代為現身。這件貨品連運費雖共$78,但事主就給了$80下屬,表示毋須找續。然而到正式交易時卻發生意外,小學生疑似不小心數錯錢,指少了$10,下屬立即支付$10,而小學生亦堅持找回$2 。這個失誤,令小學生收多$8,導致事主知道後怒火中燒,認為對方有意趁他不在現場時呃錢,立刻聯繫學生問責。

買賣方約定在中環交收Photo from 翻攝自FB《Carousell 乞衣+閪客關注組》

涉及誠信問題

從網上流出的對話所見,只見事主連環指責學生,不斷強調「個8蚊去咗邊?點解要收多我伙記8蚊」,並妄自推測事件源由,以兩個歪理作據,「第一,個伙記我請嘅。第二,佢月入幾萬,唔會呃我8蚊。所以只有一個結論,就係你唔知用咩理由去問我伙記拎多8蚊」,斥責學生是故意騙錢,涉及誠信問題。

 

買家立刻聯繫學生問責Photo from 翻攝自FB《Carousell 乞衣+閪客關注組》

勇於承認錯誤

而相信小學生定會被嚇到不知所措,僅簡單回應「我無呃你呀」。但事主未候對方了解清楚,又再追擊「小朋友生意唔係咁做」,然後開始說教。而小學生再次翻查金額後,發現自己確實收取了$90,立即勇於承認錯誤,逐解釋:「佢畀咗我啲錢,我沒有看到所有錢,找回兩元給他,我就走了。他畀多咗$10我,現在我可以過去畀返你」,並誠懇道歉,表示沒有在收錢時檢查清楚是他的過失。

小學生勇於承認錯誤Photo from 翻攝自FB《Carousell 乞衣+閪客關注組》

反引網民公審

學生嘗試繼續竭盡所能解釋源由,由於先前買家已表示毋須找續,所以他才沒有檢查清楚。惟買家不接受,認為自己已向下屬交代清楚,只需付$80,又豈會無端端比多$10,還是質疑學生耍手段先騙掉$10。然後事主又開始引導孩子認錯,而這種手法當然反引網民公審他。

買家不願罷休Photo from 翻攝自FB《Carousell 乞衣+閪客關注組》

網民支持小學生

這篇「公審文」發出後,網民們反而支持小學生,讚揚他既誠實,與買家的小器刻薄成強烈對比。雖然事主不久就將帖文刪除,惟事件已在網上不斷發酵。

買家無理取鬧

不少網民紛紛斥責買家無理取鬧,「其實佢自己都唔知真相,一味只信自己個員工然後自行腦補下就當係事實,個學生講乜佢都冇理過,自己都無證據就定個學生罪」、「個伙記點解比多咗錢就問個伙記啦,個學生咪講咗無數囉」、「人哋承認錯誤咬實唔放,唔識原諒,溝通差但淡化自己過失」、「個買家根本搵人發脾氣,一味話人呃又點,人哋學生解決問題,個所謂有錢買家一味道德審判,問題係咁伸延。賣家係有錯,但買家唔代表無錯,點解交收錢果時唔知比多咗。」、「佢要人哋退埋貨,道歉,個細佬道歉話冇數到錢,但唔夠,因為要佢認呃錢」。

 

網民反讚賣家誠實Photo from 劇照《財閥家的小兒子》

讚賞賣家誠實

同時,網民亦擔心小學生因而受挫,並安慰他已經處理得很好,「佢絕對係一個好嘅小朋友。好誠實,人人都會做錯」、「小朋友錯咗認咗,想努力解決, 簡直完美」、「小學生放學肯同你去到中環交收佢都算係咁啦講真」、「講真個小學生都算好人」、「反而覺得小朋友堅持找2蚊,仲話可以退返10蚊比買家,成件事好有誠信」、「(小學生)d msg又一路咁好禮貌」。

延伸閱讀:

延伸閱讀:

Text : Mami Editorial
Source :連登討論區

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道