孫慧雪巨B兩個半重17磅 拆解生巨B成因

「宅男女神」孫慧雪於8月剖腹誕下囝囝Riley，Riley一出世就重8磅10安士，份量十足，食量驚人！而家Riley已經兩個半月大，日前阿雪喺FB貼相，指囝囝已經有17磅重，已經買唔到BB衫，但係醫生就話Riley體型合符比例，冇過肥！而阿雪就已經概嘆自己開始唔夠大抱囝囝喇！

其實阿雪喺陀B階段，已經挺住個43吋巨肚，仲一度令人懷疑佢係陀孖B，不過就澄清自己孕期正常，又話自己冇食補品，亦冇妊娠糖尿，都唔明點解個肚會咁大！最終Riley出世都「不負眾望」，差唔多有9磅重，未滿月已經12磅，真係夠哂斤兩！

早幾日，阿雪同老公一齊帶囝囝去樂園玩，兩公婆分別抱住囝囝影相，將兩張相拼埋一齊就顯得好詭異喇！事關阿雪抱住阿B，阿B就好巨型，但係爸爸抱住阿B，阿B就好細隻，所以阿雪話，個結論就係：媽媽好瘦，爸爸好大隻！

近年愈來愈多巨B出世，普遍新生嬰兒體重也較20年前重磅，其中一大主因是孕婦食得太多、太好，運動又太少，造成營養過剩，攝入與消耗不均衡，以致BB超重；而孕婦懷孕後因體內胰腺功能不正常致血糖偏高，導致妊娠期糖尿，亦會增加誕下巨B嘅機會。

大部分巨B是通過剖腹生產。醫學研究證明，剖腹生產因未經產道擠壓，BB不易適應外界環境的驟變，不能及時排出呼吸道液體，故肺部的併發症明顯高於順產產婦。

如果處理不當，BB容易發生鎖骨骨折、顱內出血和窒息等傷害，最可怕的是在處理過程中發生BB臂叢神經癱瘓，嚴重的肩叢神經癱瘓可能導致終身殘疾。當然，最壞的結果是造成BB死亡。即使順產，巨B試婦也極容易發生產後出血、產道損傷等，嚴重的還會造成孕婦產道撕裂、甚至子宮破裂、子宮脫垂。

Text: Mami Editorial

Photo Source: Snow Suen 孫慧雪@Facebook