陳豪為老婆生日慶祝足半個月 一世欠咗呢個女人 愛妻號

圈中出晒名恩愛夫妻陳豪（Moses）與陳茵媺（Aimee），早前陳豪接受雜誌訪問指，對老婆既態度要專一，有交代，更認為自己欠老婆一世。

陳豪：以結婚為前提，提出交往

佢地係2013年結婚，其後兩人3年抱2，育有大囝Aiden、Nathan和細囡Camilla。早前，陳豪既訪問提到，對Aimee的感情係拍劇慢慢建立出來，其後相處互相認識。追求佢時，Moses以結婚為前提，希望同自己交往，開始拍拖後，自己就認定對方係一世既老婆。同時，確信男女授受不親，做男人要對身邊女人有個交代。

陳豪：欠老婆一世

陳豪更自爆欠咗呢個女人一世，嫁給自己還生左3個可愛既小朋友。當時，正正係Aimee事業最高峰，而陳豪自知老婆好中意演戲，更想攞獎。陳豪好相信佢能力，如果做，一定會做得到。

老婆生日慶祝半個月

所以，Aimee可以算係最幸福人妻，而喺愚人節踏Aimee就入37歲，Moses足足用左半個月黎同老婆慶祝。兩公婆飛左去意大利，佢地放低仔女，慶祝生日兼過難得嘅二人世界。

睇相就見到兩公婆攬到大家實一實，真係好sweet啊～

陳茵媺：多謝baby

陳豪除左出錢出力為老婆炮製生日trip，仲送左限量版Hermès手袋畀Aimee做生日禮物！Aimee留言：禮物係「from Italy」，仲寫住「thank you baby」。

又花、又一屋汽球、仲有手袋蛋糕，Aimee笑得甜EE咁，睇得出真係好鍾意！

陳豪真係一個專一、承擔、捨得喺老婆身上使錢既好男人!

Text: Mami Editorial

Photo Source:陳茵媺@Instagram