【父母責任】5歲男童公園揸玩具刀作狀拮人 港媽覺危險 網民唔撐「玩刀槍好正常」
教育小朋友正確的安全知識是父母的責任！有港媽就透露日前陪孩子到公園玩耍時，遇到一名5歲男童手持玩具刀到處「拮人」，旁邊不見父母身影，因此憂心小朋友無法分辨現實及遊戲，希望通過網絡呼籲父母注意把關兒童的安全意識，避免兒童日後以假亂真！
Photo from MamiDaily
5歲男童拎玩具刀玩耍攻擊人
事主日前通過專頁「生仔要考牌系列」發帖，分享她帶小朋友前往屯門公園遊樂場放電，玩樂期間出現了一名年約5歲的男童，對方手持一把仿真伸縮玩具刀到處揮舞，亦作狀要去攻擊他人，包括事主的小朋友。
「玩玩下，突然出現一個五歲左右嘅男仔拎住把像真度頗高嘅伸縮刀仔喺度舞，同埋作狀去攻擊他人，仲想拮向我小朋友度。雖然我心知應該係假嘅，但都打咗嗰突。」
Photo from 翻攝自FB@生仔要考牌系列
事主認為父母不該給孩子該玩具
事主和另一名媽媽A見狀，趕緊叫停男童的動作，隨後媽媽A向男童借來玩具刀查看，發現該玩具刀可以向內伸縮，類似拍攝的道具。男童認為該玩具刀「好型」，才會帶出來玩，隨即就離開了，期間也不見其父母身影。雖然把刀是假，但事主依舊很疑惑：「我唔明點解會有人整啲咁嘅『玩具』，更加唔明白點解會有父母俾啲咁嘅『玩具』小朋友把玩。」
網民認為事主過於緊張
該貼文引發網民一面倒批評，認為男孩玩刀槍玩具再正常不過，是事主過於緊張，「男仔唔玩刀刀槍槍唔通玩barbie咩」、「玩具都唔比玩，你帶返個仔返屋企玩iPad啦」、「唉，我屋企都有好多玩具槍，我瞓覺都要著避彈衣」、「而家d人真係惡，公園唔畀人玩玩具」。
Photo from 《以家人之名》
事主重申立場
事主隨後再度發文回應網民批評，強調該玩具刀非常真實，若不注意看根本難分真假，重申此事討論重點在於小朋友出現攻擊行為，若沒有父母導正，恐怕會覺得「用把刀整人好玩」。事主為自己平反，表示其3歲幼兒已經開始學習使用真刀、真鉸剪，同時不忘教導孩子「利器唔係拎嚟玩，更加唔應該用嚟攻擊人。」
Photo from 《愛美麗狂想曲》
「假刀拎嚟舞梗係唔會整傷人，但問題係一個4, 5歲小朋友唔會識得分辨，你俾咩佢佢學咩，佢只會習以為常，只會覺得用把刀整人好玩。如果細個唔教佢，到大嗰真係整親人，更加會被人鬧無考牌……所以我都係寧願細個緊張啲。」
「其實時不時都有啲games被人話過份暴力，咁事實上啲細路由細玩到大，係真係會分唔到現實同遊戲，所以我覺得做家長把下關先係負責任嘅行為。」
就以上觀點，事主還是希望自己成為一個負責任的父母，避免以後小朋友行為出現偏差方來後悔。對此有網民認同事主看法：「小朋友咁細未必識分真假刀，當攞刀嗰個識分，被攻擊的小朋友未必識分。被攻擊的小朋友發現假刀傷唔到自己，下次有人攞住真刀攻擊時誤會係假刀，咁就有危險都唔識避，後果可以好嚴重。」
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
