【求職經歷】大學生月賺14K每日淨做6個鐘！失業半年被迫跟母親返工：驚離不開這行

mami熱話

By conniewong on 06 Dec 2022

Digital Editor

相信不少剛畢業的大學生對前途深感迷惘，不確定哪條跑道才最適合自己。過去兩年，疫情席捲全球，就業市場大受打擊，相信大學生搵工更加不容易。日前，一名大學生在討論區上分享自己就業過程。

Photo from 劇照《男排女將》

疫下求職經歷

日前，一名大學生在《連登》上發文分享自己的疫情期間的求職經歷。他先介紹自己是香港樹仁大學的畢業生，畢業時正撞正疫情，經濟環境惡劣，難以尋覓工作，故輾轉就去了做餐飲業。可惜，半年前餐廳倒閉，他就一直失業至今。

Photo from 劇照《愛回家之開心速遞》

提出兩個選擇

直到最近，其母親眼見兒子終日無所事事，不希望他再做廢青，深感崩潰表示「頂他唔順，唔再養他」，並向事主提出兩個路行：「一係就跟佢去做清潔；一係就踢我出門口」。

Photo from 劇照《愛回家之開心速遞》

從事清潔行業

無奈之下，事主唯有跟隨母親從事清潔行業。堂堂一位大學生做清潔可能會非常難捱，但他卻有另一番體驗。事主做了一星期後，發現從事清潔比餐飲業更賺錢，「好多時上午做兩、三個鐘就收$400；下午去另一個地方做又收$300，平均一日都收$700。」

Photo from 劇照《愛回家之開心速遞》

清潔工月入14K

他計算過從事清潔工的收入，如果一個月返21日工，薪金亦可達$14000左右。但實際上每天只需工作6小時，坦言工作舒適又好搵，「好驚自己會一直做落去，唔想離開呢個comfort zone」。

Photo from 劇照《愛回家之開心速遞》

引起網民爭議

帖文發出後，引來不少網民的爭議。有網民則認為事主擁有大學學歷，可尋求一些低勞力的工作。「會唔會試下搵政府或者銀行工呢？應該唔難搵？」、「話晒都大學畢業，但出嚟做嘢用手腳加時間換錢，真係好浪費」。不過也有網民反駁，同意職業無分貴賤。「一日實做4粒鐘都有2皮幾，好多師奶去做」、「其實做得耐可以考慮開（清潔）公司」、「有經驗可以轉做科文」、「去咗做地盤一日一工千幾蚊，一個月廿幾日都有3xk」。