【屋企煮飯】阿媽出門去旅行大女代煮飯家人嫌三嫌四老豆話餵豬都唔會食「真係煮到心很累」

By Fanny Hung on 03 May 2024

Senior Editor

作為人哋老婆，同一時間又可能是小朋友的媽媽，每天最傷腦筋可能是晚餐應該煮甚麼？日子有功之下，每天晚上的晚餐再難不到她們。不過偶而都想偷懶，假如這個時候有人想幫手煮餐飯給家人食，卻可能不是簡單事。有女網友因為阿媽去旅行無人煮飯，為了家人健康於是落手煮晚餐﹐卻得不到他們的讚賞，還遭到嫌棄，令網友感到很失落。

Photo from MamiDaily

阿爸阿妹彈三彈四

該名女網友在網上討論區上發文﹐大呻「原來每日要諗煮咩餸真係好難」，並說以往見到阿媽煮飯，每天都有不同餸菜，基本上每餐都有三餸一湯。不過最近阿媽去了旅行，變相版主要負責每天晚上家人的晚餐，她說收工後還要去買餸已經很累，點知煮完之後，阿爸和阿妹還要「嫌三嫌四」，一時話不想食這個那個，一時又話煮得不夠味。

Photo from MamiDaily

突然明白阿媽妹辛苦

版主表示「煮畀佢哋食已經好好」，還要那麼多要求，但又不肯自己煮。版主阿爸還說：「攞去餵豬，豬都唔會食！」其實版主自己都有食，自問好好味、正正常常，並說「佢洗唔洗咁講嘢」，家人還說叫外賣仲好！家人的反應令版主很不開心，她坦言不想叫外賣是為家人身體著想，外賣味精多，自己煮又健康又便宜，故忍不住發洩道：「咁辛苦煮畀佢哋食佢地仲咁多野講」，還說突然明白平日阿媽煮飯原來是那麼辛苦。

Photo from MamiDaily

煮飯吃力不討好

其他網友看了版主的遭遇，都說煮飯一事吃力不討好，「咁辛苦自己做咩，叫外賣算啦」、「兩餸飯平靚正使乜搞咁多嘢」、「咁講嘢好過份，你唔好再煮，等佢哋伸個頭出窗口度食風」、「換轉係我，我會買淨兩餸或斬料，蒸蝦蒸魚，自己煲飯加灼菜，唔會難食得去邊」、「建議輪流煮，煮過一次之後，個啲嫌三嫌四嘅就會收聲」。亦有人說有相同遭遇，不過他並非煮10日8日，是10年8載，並說「去到某個點我真係忍夠了，終於爆咗，同老豆炒大鑊。自此之後無再入過廚房，佢自己煮自己食，我樂得清閒，每日仲多咗三四個鐘頭做自己嘢」。