【蜜月旅行】準人妻呻度蜜月被騎劫成未婚夫家族旅行「平時所有嘢已經男家話晒事！」

By Fanny Hung on 02 Oct 2022

Senior Editor

新婚夫婦結婚都會計劃「度蜜月」，但過去年幾年因為疫情關係，香港人未能如以往一樣隨時可以出門去旅行。現在終於等到防疫措施放緩，可以籌備闊別已久的旅行。不過有準人妻卻好苦惱，原本計劃與未婚夫到歐洲度蜜月，竟然隨時變成韓國家族旅行。

Photo from MamiDaily

彈芬蘭極光唔好睇

該名準人妻在網上討論區發文，早輪防疫措施放緩，未婚夫姑姐提醒他們今年可以去度蜜月，原本小倆口打算去芬蘭睇極光，點知政府公布「0＋3」入境檢疫安排後，姑姐就話橫惦大家那麼久沒有去旅行，不如家族旅行和一對準新人的蜜月旅行一齊搞，言則希望準人妻和未婚夫「跟隊」。姑姐又話極光「有咩咁好睇」、當地得聖誕老人「咁悶」，邊夠去韓國可以食東西可以購物的好。

Photo from MamiDaily

未婚夫稱可以慳錢

準人妻表示想他們「一齊咪一齊去」，無必要眨低去芬蘭的想法。不過最介意為何會變成「度蜜月暨家族旅行」，準人妻沒有要求他們幫忙拍照拿東西，但為甚麼要搶走她的蜜月之旅？最令準人妻生氣是未婚夫說和屋企人一齊去旅行，當去度蜜月都幾好，因為屋企人會負責他們的費用，變相不用自己拿錢出來。

Photo from MamiDaily

其他事情已經是家人話事

未婚夫如此反應令準人妻大呻「咁當初夠話一齊去睇極光，而家又唔算數？」然後又說「去完家族旅行我哋就唔可以繼續度蜜月行程咩？又唔係同一年去，又唔係二選一」。準人妻補充其他事情已是未婚夫家人「話晒事」，想不到連蜜月旅行都要由屋企人揸主意，令她大呼無奈。

Photo from MamiDaily

網友稱準人妻要企硬

網友各有不同看法，有的說「一家人去旅行有咩問題」、「去旅行熱鬧啲唔好咩？你去睇極光，要跟啲三唔識七嘅人一齊，你覺得咁樣會好啲咩」。有的就說「二人世界都無埋」，提議準人妻再和未婚夫傾下，有的說一於兩邊旅行都去，但準人妻補充說未婚夫就是不想自己出錢。另外有網友說未婚夫如此「度縮」，要諗下是否真的嫁得過，另建議準人妻要企硬，最簡單今年去芬蘭，下年去韓國。