【煩人家事】阿媽家務越做越「求其」老豆話要減家用 發現阿媽變懶真相阿仔擔心1件事

【煩人家事】阿媽家務越做越「求其」老豆話要減家用 發現阿媽變懶真相阿仔擔心1件事

mami熱話 家庭關係
By Fanny Hung on 25 Sep 2022
Senior Editor

廿四節氣的秋分剛過,大家是否終於感受到有一點秋意?有人說天氣變得漸涼,人也變得漸懶,想躺在家中的梳化不想幹活。如果這名想偷懶的人是自己媽媽,身為仔女應該如何是好?有網友就「投訴」自己媽媽最近躲懶了,大家齊來看理由是否成立?

難道真係阿媽做晒家務嗎?Photo from MamiDaily

拖完地地下仍有很多塵

該名網友在網上討論區上發文,表示有日阿爸話阿媽最近做家務越來越「求其」,譬如拖完地仍有好多塵和頭髮在地下、連續兩晚煮飯都是煮一樣餸。問到原因,阿媽竟然話「秋天個人好懶唔想郁唔想諗嘢」,於是每天買餸買多少少,第二天食回同一味。又說現在有空氣污染,拖地拖極都有塵好合理,至於有頭髮就自然會甩頭髮,出現在地下也不出奇。

阿媽表示有頭髮自然會甩頭髮。Photo from MamiDaily

擔心自己要幫手做家務

阿爸對於阿媽合理化偷懶表示不解,生氣表示再偷懶就減家用。不過版主忽然心水清,如果阿爸真的減家用,就可能不止一味餸食兩日。版主又擔心如果阿媽入秋時已經那麼懶,到冬天的時候「睇嚟都係要我幫手做家務」。

版主擔心遲早都要幫手做家務。Photo from MamiDaily

阿爸認為家務應該女人做

雖然不知道版主是關心自己家庭變得不和諧,還是自己不想做家務而有感而發,但多數網友都說懶是不分季節,另有人指出春天濕氣重人會更懶。不過更多人是支持阿媽,認為阿媽辛苦了那麼多年,謂「你哋兩父子分擔吓唔得咩?」、「睇唔過眼就自己搞咗佢」、「屋企人人有份,畀錢大晒嗎?支持媽媽」,版主都有回應,說「阿爸係大男人覺得家務應該係女人做」。

阿爸威脅阿媽,話要減家用。Photo from MamiDaily

廣告
廣告

家庭非只有一個人付出

另有人反建議,說不如叫版主阿爸每日寫低想食甚麼,並揚言「佢寫一個月後唔重覆,我話佢勁」,並說叫版主去街市走一轉,會發現很多時會「買唔落手」,以及不知道應該買甚麼。如果版主是「乖仔」,有網友說不如試下幫阿媽,畢竟家庭並不是只有一個人的付出,再者阿媽也不是佣人,亦有人講笑說其實阿媽是暗示想加家用。不過既然版主有時間在網上討論區發文,嘗試了解阿媽心態或幫手分擔家務,應該也是能力範圍內可以做到的事。

網友說家庭非一個人付出,建議版主可以在家務上幫忙阿媽。Photo from MamiDaily

延伸閱讀:

延伸閱讀:

Text:Mami Editorial

 

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道