download MamiDaily 親子日常 app
【升小一】剛升上小一 功課多又要背默中文  連媽媽都有壓力

【升小一】剛升上小一 功課多又要背默中文 連媽媽都有壓力

教育路
By Dara on 05 Oct 2023
Deputy Managing Editor

小朋友由幼稚園升上小學,需要適應非常大的改變,課堂時間增長,還需要做大量功課、默書、考試等。本地一位媽媽直言不只孩子辛苦,作為「陪讀」的家長一樣辛苦,引發網友共鳴。

媽媽嘆開學不久,兒子又多功課又要背默Photo from 《降魔的2.0》劇照

剛剛開學已有大量功課

事主在「香港討論區」發帖「小朋友升小一,阿媽其實同小朋友一樣辛苦」。她指兒子剛剛升上小一,還未適應新環境和學習制度,便要面對大量功課和默書。「個仔啱啱升小一,雖然唔係開咗學好耐,每日啲時間真係好似得返好小咁,但係已經好多功課,每日5至6樣。下星期仲要背默中文,見到同班嘅同學仔媽媽已經想搵補習社跟。」

媽媽指現時每天都有五六份功課Photo from MamiDaily

每天忙着追趕進度

事主認為,兒子由幼稚園K3升上小一,有非常巨大的轉變,「因為高班冇默書同咁大量功課。小朋友都真係要啲時間適應,又要早起身,放學返嚟食飯做功課、溫書,其實都幾辛苦。」而作為媽媽她同樣有壓力,一方面想兒子跟得上學習進度,另一方面又不想強迫他讀書,只能希望孩子盡快適應。

對於事主兒子情況,網民紛紛說:「小一要背默?好誇張」、「你仔讀什麼名校?」,同時亦安慰她:「小朋友好快會適應,唔需要太擔心,最緊要佢哋返學開心」、「小一啫,唔使咁緊張,大人表現緊張,小朋友都會感受到,會有童年陰影,對讀書抗拒,影響頗深遠,考完中期試先再review 罷」。

網民建議陪孩子找出學業問題的解決方法,讓孩子慢慢喜愛與父母一起學習Photo from 《降魔的2.0》劇照

幼稚園和小學課程未能銜接

網民亦同意事主指幼稚園和小學課程差異大,幼稚園的程度太淺,未能與小學銜接,與此同時,小一程度太高,未能與幼稚園銜接,所以「K3 時無好好準備,上到小一就會跟唔上」。

有過來人建議:「小一同中一都係有適應期,慢慢唔好逼得佢要成績」,指首先家長要調校自己,做功課只是重溫所學,等孩子知道自己的進度,不懂便問老師,現階段家長陪伴做功課時,最好當作親子時間,有問題一起找出解決方法,孩子將會慢慢喜愛做功課及和父母一起學習。「若果仔女能力上可以,不要响佢面前講得咁負面,陪佢一齊做,講多啲支持鼓勵說話,情況未必係你想像咁差」。

 

網民安慰事主,指兒童的適應力很強,不用擔心Photo from MamiDaily

亦有人採放養式管教,「學業跟到就得,我都係打機大,我好支持個女用ipad。最重要知道佢睇乜。我自己到今天都ipad不離手,基本上我大學畢業後,進修學嘅都係喺ipad學。」現階段雖然辛苦,但一定要捱下去,因為孩子未來條路如何行,全在家長手上。

 

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道