【功課太多】開學不久功課多到日日做到夜晚11點 港媽呻壓力大:阿仔無晒神氣

【功課太多】開學不久功課多到日日做到夜晚11點 港媽呻壓力大:阿仔無晒神氣

mami熱話 親子新聞
By Louisa on 13 Sep 2022
Digital Editor

小朋友學業繁重,就連家長都覺得很大壓力!有港媽日前在網上大呻,稱雖然開學不久,但就讀小學的兒子已相當多功課,經常要做到深夜才做完,母子二人都被功課折騰得身心俱疲,大嘆「真係一啲都唔明點解啲老師畀咁多功課」。

港媽大呻阿仔開學後功課太多。Photo from ViuTV《反起跑線聯盟》

每日做功課至晚上11點

該名港媽日前在香港討論區以「啱啱開學就咁多功課」為題發文,指雖然才開學不久,但小朋友的學校已經要學生做很多功課,基本上每日中、英、數、常每科都至少要做1至2份。她稱加起上來的功課,「多到小朋友成日做功課做到夜晚11點幾先做完」。

港媽稱阿仔的功課又多又難,母子二人都很大壓力。Photo from ViuTV《反起跑線聯盟》

功課又多又難

功課不只多,還要很難,小學的作業連大人都被考起,「有時小朋友唔識做問我,我都要上網搵下答案先教到佢」。功課問題令兒子每晚做功課至深夜,可是第二天一早便要再次起身返學。導致他才開學不久,「個樣已經攰左好多,冇晒神氣」,其精神上的變化令媽媽感到很擔憂。

廣告
廣告

網民質疑做太慢

面對目前處境,港媽不禁慨嘆「真係一啲都唔明點解啲老師畀咁多功課」。帖文很快便引起網民議論,有人認為小學功課簡單沒可能做到咁夜,「下午一點左右就放學,到晚上十一點先做晒?要做十個鐘?每樣功課平均十零分鐘做完啦」、「小學啲功課好多時都係十零分鐘就做完嘞喎,會唔會係做功課時好多干擾,唔夠專心?」

網民建議港媽為兒子轉校。Photo from MamiDaily

建議港媽為兒轉校

也有人估計港媽是揀錯學校,「你揀得間學校都知佢多唔多功課,唔啱自己小朋友就快啲轉啦」、「邊間小學呀?係咪名校?」、「有冇諗過幫個仔轉間輕鬆D嘅學校?」、「據我所知普通區內名校,每科都3至5樣功課起跳,如作業、抄寫、補充、工作紙、網上功課,都未計改正……所以每日10至15樣功課係基本」。

Text:Mami Editorial
Source:香港討論區

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道