【兒童健康】張嘉兒大女牙痛驚揭8隻蛀牙 疑用錯牙膏 媽媽:要實行食完早餐後刷牙

【兒童健康】張嘉兒大女牙痛驚揭8隻蛀牙 疑用錯牙膏 媽媽:要實行食完早餐後刷牙

mami熱話 明星家庭
By Dara on 08 Sep 2022
Deputy Managing Editor

小朋友早晚刷牙,不代表牙齒健康。前港姐冠軍張嘉兒育有2名可愛女兒,下個月6歲的大女兒告訴她牙痛,照X光後發現有8隻蛀牙,把媽媽嚇壞。張嘉兒估計,可能與用錯牙膏有關。

張嘉兒婚後誕下一對可愛女兒Photo from Mama College 張嘉兒@FB

大女兒Leora被檢查出有8隻蛀牙Photo from Mama College 張嘉兒@FB

親自照顧兩名小公主

2007年香港小姐冠軍張嘉兒,於2015年與金融才俊Nathan結婚,一年後誕下大女兒劉在芯 (Leora),2019年再生下小女兒劉在懿 (Hannah)。自從女兒出生後,媽媽已減少幕前演出,擁有高學歷的她,近年已成為正面管教認證講師及營養學家,不時在網上分享育兒及營養心得。

張嘉兒親自照顧愛女,返學放學、沖涼刷牙、陪睡覺、陪玩、讀書等,落足不少心機和時間。暑假時,她帶兩女返回溫哥華探親,期間大女牙痛,揭發原來有8隻蛀牙,是媽媽始料不及的事。

 

張嘉兒帶兩名女兒去睇牙醫Photo from Mama College 張嘉兒@FB

張嘉兒重視孩子的口腔健康,一有問題立即看牙醫Photo from Mama College 張嘉兒@FB

看牙醫時,3歲妹妹比姐姐還要勇敢Photo from Mama College 張嘉兒@FB

花3.6萬元補牙

張嘉兒留言:「話說Leora六月同我講牙痛,即刻同佢去睇牙醫,牙醫話見唔到蛀牙,但係可以照X光check。見佢淨係痛咗一日,之後就冇再痛,結果我以為嗰日佢只係食完凍嘢,有啲牙肉敏感,冇再理會,冇照X光。」這個決定令她十分後悔,她們留在加拿大期間,大女兒再次牙痛,此時張嘉兒心知不妙,立即見牙醫,發現8隻蛀牙。「好後悔六月嗰陣時冇照X-Ray,及早發現可能冇而家咁惡劣。」最終她花了6000 加幣(約$3.6萬港元)補牙,為免重蹈覆轍,她立即帶小女兒睇牙,幸而只有3歲的Hannah牙齒健康。

小女兒(左)和大女兒十分可愛Photo from Mama College 張嘉兒@FB

改為早餐後刷牙

張嘉兒透露,大女兒有早晚刷牙,亦都有用牙線,她估計可能大女兒用BB牙膏時間太久,當中不含fluoride(氟化物),增加小朋友蛀牙危機。她建議大家牙痛最好照X光check一check,以及定期做牙齒保健。

由於帖文反應熱烈,張嘉兒昨日(7號)再發帖,很多人向她查詢牙醫,她稱身在加拿大,沒有香港牙醫可推介。另外,不少人問小朋友何時使用Flouride牙膏,她個人認為,只要小朋友刷牙時懂得吐水,就可以轉用。至於牙膏牌子,要視乎小朋友對味道的喜好。最後,她分享五個牙醫建議的貼士:

1) 食完早餐然後先刷牙 (我以前都係咁,不過諗住同小朋友建立良好morning routine 所以就停,而家食完早餐之後一齊刷牙,口腔就唔會咁多殘留嘅嘢直到中午);
2)小朋友盡量三餐主餐,兩餐小食;
3)去到九歲都仲要幫小朋友刷完之後補刷;
4)用fluoride 牙膏;
5)早晚刷牙要用牙線。

廣告
廣告

 

張嘉兒近年已成為正面管教認證講師及營養學家Photo from Mama College 張嘉兒@FB

網民提供意見

網友亦同意小朋友應轉用含氟化物的牙膏,「其實兒童用果D牙膏不太有效,反而成人用大支裝牙膏比較有效,最好冇果味果啲或係時候用電動牙刷,用咗都會大大改善」、「我記得當時香港醫生都有建議過小朋友唔好用bb牙膏用得太耐,要改用有Fluoride嘅牙膏,所以我小朋友到依家都無蛀牙。」

 

 

張嘉兒親自照顧兩女,無微不至Photo from Mama College 張嘉兒@FB

至於早餐前刷牙還是早餐後刷牙,網友亦有不少意見,「成晚瞓覺喺口腔入邊滋生咗嘅細菌,未刷牙就食嘢唔會食埋落肚?」、「上個星期帶囡囡去洗牙,我個牙醫都建議我哋食完先刷」、「梗係刷咗牙先食早餐,然後食完嘢再漱口囉,咁就幹淨好多」。

亦有人建議留意小朋友有沒有含飯、含奶的習慣,若有的話要盡快戒掉。「以前嚮牙科診所做咗幾年,都見幾多小朋友因為咁原因滿口蛀牙,最細3、4歲已經係咁」。牙齒跟一世,真係要好好護理!

張嘉兒指牙齒很重要,希望大家不要犯她的錯誤Photo from Mama College 張嘉兒@FB

 

延伸閱讀:

延伸閱讀:

Text:Mami Editorial

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道