【迷信】 奶奶聽風水師講飲水喉水治病 做法事有離譜要求

如果家人過份迷信可以怎樣做？一名香港新抱發文指奶奶深信風水師傅，不但到新抱家指指點點，又建議飲水喉水醫病，更過份的是風水師要求奶奶和姑仔除衫做法事，幸得姑仔丈夫阻止，但奶奶仍對風水師深信不疑！

Photo from 愛回家截圖

要求全屋大執位

事主在FB專頁「同住奶奶好惡頂自由討論區」發帖，指奶奶十分迷信，早前認識一個年約五十歲的風水師，導致家無寧日。事主最近新居入伙，奶奶攜同風水師到她的新居指指點點，表示要大執位。

「上嚟我屋企，要我屋企啲擺位，牆身顏色全部大執， 連我種喺窗出面花槽嘅心愛植物都搬走咗， 嬲到我成晚瞓唔著。」奶奶擺出招牌哭喪樣說如果不執位，會影響事主一家三口，事主沒有理會風水師的建議，更與奶奶大鬧一場，自此兩個月沒有見面。

「奶奶不停反駁話，係為我哋好，佢冇畀人呃，都係想我哋好，叫我唔好咁大反應。 」幸而事主丈夫亦主持太太，認為奶奶實在太迷信。

Photo from 愛回家截圖

飲水喉水醫病

之後，姑仔丈夫向事主夫妻求助，原來這段日子，奶奶和風水師越來越過份。「出街嘅時候同奶奶手拖手，奶奶仲話神棍好好，如果後生啲，可以做佢男朋友。神棍又攬姑仔條腰、拍佢pat pat，老爺都覺得有問題，但冇出聲。因為老爺都信佢，話佢幫屋企擺咗個風水陣，最近工作上賺到錢。」

奶奶要求姑仔和姑仔丈夫深信風水師，否則兩夫妻會嗌大交，倒不如離婚算了。「神棍又叫奶奶同姑仔飲水喉水，話可以醫病。 姑仔老公都話頂唔順，個個禮拜都要車佢哋去拜神，又畀人話佢面色唔好好，要做法事。」

Photo from MamiDaily

要求除衫做法事

而最離譜的一次，是風水師上姑仔屋企作法，要求奶奶和姑仔除衫，最終被姑仔丈夫阻止。奶奶私下同姑仔講：「你老公要面，下次唔好喺佢面前作法。」姑仔丈夫要求太太不要再見風水師，結果被奶奶大鬧他倆不孝，好學唔學，學埋事主夫妻般是非不分。

事主說：「我心諗，真係蠢到爆，明明平時姑爺姑仔好錫佢，個個週末都陪佢。你咪攬住個神棍過世囉，睇下老咗邊個睇你 。」原來老爺都有被風水師要求除衫作法。原本旨意他鬧醒奶奶，結果他自己也深信不疑，令事主夫妻失望。

Photo from 愛回家截圖

小心有更過份要求

帖文出現後，不少網民指小心，「好快要求性交轉運」，事主亦直言大有可能，卻無能為力。「我都唔知點阻止，奶奶一早當我係衰人，我點講都五會聽。老公又太淋善，唔敢鬧阿媽。老公已溫太婆商量，太婆都鬧咗奶奶，但奶奶都冇改善。」

其他網友亦說：「叫姑仔老公報警備案啦!至少有阻嚇作用」、「唔好打草驚蛇，拍片先」、「比人呃晒錢就會醒」。

延伸閱讀：
【英文打機】男童打機能用流利英文講遊戲角色 話老豆要求玩要用英文否則1下場

延伸閱讀：
【改名】丈夫為改名起爭執趕8個月孕妻出門 準媽媽決定獨自分娩

Text：Mami Editorial
Source：同住奶奶好惡頂自由討論區