【親子好去處2022】小恐龍迷七月必到免費恐龍打卡點分享！

大家同恐龍打卡未呀？ 依排比大家恐龍打卡相不停洗板，我都要同皓皓去朝聖啦，喺尖沙咀30分鐘路程就有兩個期間限定恐龍打卡位，快啲跟我哋一齊去啦！

Photo from Kylife

九龍公園侏羅紀迷宮

喺九龍公園廣場(游泳池旁) 就見到一個綠色迷宮啦！大家記得係入口Scan Qr code參加「化石尋謎站」，係迷宮內15個神秘木箱搵答案，木箱內有唔少化石模型，等小朋友都可以認識下咩係化石，搵曬15個木箱，答曬問題就可以係旁邊換到小禮物啦，我哋今次收到恐龍明信片同杯墊等等，皓皓收到好開心，迷宮入面仲有隻可愛三角龍等緊各位小恐龍迷去打卡添！ 由即日至7月17號 9am-6pm都有得玩，順便去開九龍公園放電嘅小朋友記得要去呀！

Photo from Kylife

Photo from Kylife

Photo from Kylife

其他恐龍好去處

海港城機動君王暴龍，今期熱爆打卡點！由九龍公園慢步30分鐘到海港城海運觀點，嚟到重頭戲 1:1 機動君王暴龍，本身我好期待皓皓見到會有咩反應，聽聞好多小朋友見到都好驚唔敢行埋去。點知我哋去到先知原來當日上午有活動不對外開放，無奈地官網同專頁都無提及，我見唔少家長都專登帶小朋友去，啲小朋友都好失望，所以建議大家計劃行程之前，先係專頁問一問會唔會正常開放。最後皓皓唯有係渡輪上同暴龍相見，真係好大隻，下次一定再去！！開放時間至7月17號 10am-10pm，玩完又可以去坐下渡輪添！

Photo from Kylife

銅鑼灣時代廣場，香港另一熱爆打卡恐龍熱點，1:1機動劍龍喺時代廣場露天廣場等緊各位小恐龍迷呀，不過聽啲媽咪講暴龍吸引好多，所以我應該未必會去啦，開放時間至7月10日，同海港城暴龍開放時間唔同，各位Daddy Mommy要留意返呀。

嚟緊7月科學館有免費「八大．尋龍記」展覽，到時有8款珍貴恐龍化石真品，展期會由7月8日至11月16日，超期待呀！想參觀，大家記得需要先預約：https://bit.ly/3n2sERW

延伸閱讀：
【兒童視力】4歲驗眼盡早找出隱藏問題 自費兒童視力檢查流程分享

延伸閱讀：
【媽媽心聲】湊住二胎百忙中爭取時間叉叉電 屬於媽咪的Metime要由自己創造

延伸閱讀：
【育兒心得】寶寶情緒暴躁 不停要飲奶作息混亂 經歷第二胎恐怖猛長期頂硬上

Text & Photo : Kylife