download MamiDaily 親子日常 app
【產後減肥】洪永城太太梁諾妍用3個月產後減肥  腹肌回歸 脂肪量大跌

【產後減肥】洪永城太太梁諾妍用3個月產後減肥 腹肌回歸 脂肪量大跌

mami熱話 明星家庭
By Dara on 13 May 2022
Deputy Managing Editor

洪永城太太梁諾妍(Inez)於去年12月生下囡囡Amber,由於開刀生產,加上坐月不時進補,導致體重上升,又肥又腫。不過之後她努力收身,3個月已有成績,不但腹肌回歸,脂肪量亦由31%下降至23.5%。Inez更將自己減肥前後對比的照片上載至社交網頁,鼓勵其他媽媽:「千祈唔好放棄自己」。

減肥前後對比Photo from inez_leong@IG

背部線條返番嚟Photo from inez_leong@IG

懷孕增重27磅

身兼模特兒和健身教練的Inez,去年7月與洪永城舉行婚禮時,爆出已懷孕4個月,囡囡於12月出世。一向喜歡運動的Inez,身型向來苗條,懷孕時重了27磅,算是十分理想。她說:「懷孕時期都有做適量嘅運動,到8個月後都係散步同做伸展比較多,但係整個孕期都特別鍾意食甜嘢,自自然然食多咗糖,脂肪比例都會高咗。」

 

結婚時已懷有4個月身孕,身材仍然Fit爆。Photo from inez_leong@IG

婚前Inez是運動型女性,一向纖瘦苗條Photo from inez_leong@IG

坐月後脂肪量上升至31%

當時未算最肥,囡囡出世後,她立即輕了大約10磅,但坐月時好食好住,體重再度上升。「因為我知道坐月一定要休息同進下補(即係要係咁食),開心嘅係覺得個月都坐得幾好而家係好精神~產後上奶都上得唔錯,洪寶(囡囡)一直都可以全人奶,唯一係坐月後成個人又肥又腫,脂肪比例上到31%好驚人。」女性的正常體脂是17至27%之間,超過30%即為「肥胖」,所以當時的Inez可說非常肥美。不過她沒有介意自己胖了這麼多,因為覺得女性產後坐月十分重要,完全接受和樂觀面對人生最肥的日子。

Inez懷孕後重了27磅Photo from inez_leong@IG

收身首兩星期體重和脂肪不變

由於Inez當時剖腹生產,傷口復原前都不能做運動,她待開刀後第5個星期才開始慢慢郁動。「因為傷口有機會未完全康復,加上傷口點都仲有少少感覺嘅,所以我都唔會刻意做啲有機會整親傷口嘅運動。然後就係喺飲食方面着手,我開始食的清啲,食同飲返啲熱量可以少,但係又可以上奶嘅食物。」

她特別提醒,做運動要有耐性。「努力咗兩星期,體重同脂肪比例完!全!冇!變!過!係!正!常!的!呢個過渡期相信每位想減肥人士都一定會遇到,呢個時候真係千祈唔好放棄,過咗呢個過渡期,身體機能所有種種都會慢慢變好。」之後她每星期花最少4日,做30至60分鐘跑步或在家做運動,慢慢pick up運動節奏和飲食習慣。

坐月好食好住令體重上升不少Photo from inez_leong@IG

她建議女士好好坐月,之後好好減肥Photo from inez_leong@IG

3個月後,脂肪比例下降至23.5%

努力3個月後,Inez的脂肪比例由31%下降至23.5%,成績十分理想。她說:「見到真係嘩咗十聲!個進度俾我想像中快,而我一直都冇急住去減磅,反而係我每次都好期待去做運動,自自然然身型就好起來啦!」這個並不是她的理想數字,始終生產完只有數個月,她告訴各位媽媽,減肥不能心急,一心急好快會反彈肥返。

「其實講咁多都係想話俾大家知,千祈唔好放棄自己,我咁樣都冇放棄自己,你哋都可以㗎!」只要將運動和健康飲食變成習慣,身體自自然然變得健康,有番肌肉線條,而且有安多芬有正能量,人都開心好多!

inez_leong@IGPhoto from inez_leong@IG

帶氧運動+肌肉訓練

減肥是不少女性的終身事業,減磅數容易,但減脂肪量比較困難,若方法不正確,最容易減掉身體水份和肌肉量。所以瘦身期間不止看磅數,更加要注意脂肪量的升降。做運動當然是減低脂肪的好方法,一方面要進行帶氧運動燃燒脂肪,另方面亦要進行「肌肉訓練」,增加肌肉量,避免減肥過程中肌肉流失造成基礎代謝下降。

Text : Mami Editorial

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道