download MamiDaily 親子日常 app
【迷信父母】爛賭港爸媽輸錢迷信「書」唔吉利 堅持丟棄上學期書本惹麻煩後果

【迷信父母】爛賭港爸媽輸錢迷信「書」唔吉利 堅持丟棄上學期書本惹麻煩後果

mami熱話 親子新聞
By Louisa on 26 Apr 2022
Digital Editor

書本作業是學生最重要的學習材料,然而日前卻有爛賭父母,竟迷信覺得「書」與「輸」字同音不吉利,而連累他們輸錢,竟私自將小六兒子的書本課業丟棄,更因此而釀麻煩後果。

有港媽因迷信將小六兒子書本丟掉。Photo from TVB

媽媽執屋愛掉東西

有網民日前在Facebook專頁「生仔要考牌系列」投稿,分享爛賭父母的離譜舉動。事源事主有一個就讀小學6年級的弟弟,日前媽媽在整理房間時「係咁掉嘢」。事主已早提醒「細佬啲書本作業唔好搞」,因為「讀過書都知要留返啲書本作業嚟溫習」。

事主曾嘗試阻止媽媽動弟弟的書本。Photo from TVB

「書」跟「輸」同音不吉利

不料父母似乎不明白此道理,反駁指書本不丟掉「留喺度又係得嗰擺字」。之後媽媽不斷責備事主想留書,而他則心水清知道「老豆老母嗰期輸錢輸得多,就認為『書』唔吉利,所以想掉佢啲書」。雖然過往學年的書本可能真的再沒有用,但媽媽竟然連小六上學期的書本作業都先斬後奏丟掉,令事主無奈問:「係乜嘢操作?」

媽媽將上學期課業丟棄釀麻煩後果。Photo from TVB

得知媽媽行為即扯火

這個舉動令事主即「扯火」大鬧,「冇嘢呀?仲讀緊六年級就掉晒六年級上學期嘅嘢?咁佢年尾考試點啊?」不過媽媽卻認為「上學期成績表都派咗,咁即係冇用啦」,後來父母即一人一句鬧事主為何黑口黑面。

網民同事主要忍受父母的所作所為。Photo from MamiDaily

釀成麻煩後果

直至近日父母便知道「大鑊啦」,因為弟弟要用小6上學期的正本功課和考試試卷計分,不過目前已 「全部掉晒,點算呢?」之後父母便又再同心合力地鬧事主「唔一早講」,令他感到相當無言。帖文一出即引來不少網民留言表示同情,「樓主好慘」、「有咁嘅老豆老母真係慘」、「努力讀書~比心機搵份好工,盡快成家立室搬出去」、「同情樓主。有個咁嘅老豆老母。你兩兄弟/姐弟互相扶持吧。無人靠架啦」。

網民大有共鳴

亦有人對事件大有共鳴,「我試過比老豆扔書,扔灑去垃圾房,然後我喊住咁執翻啲書、作業返屋企」、「我老母以前都係咁, 一來屋企細, 二來佢鍾意扔, 無佢符」、「我屋企都發生過掉書呢件事,我:『好嘢,唔洗溫書』」。

Text:Mami Editorial
內容由「生仔要考牌系列」授權轉載

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道