【責罵孩子】港媽追唔到小巴嬲爆大鬧女兒 1句恐嚇說話網民憂成童年陰影
父母照顧孩子時，總會遇上令人相當勞氣的情況，不過無論多生氣，都不應對孩子說出太過份的說話。有位網民日前在討論區發文，指日前在小巴站目睹一名港媽因追不到小巴，而遷怒年約3、4歲的女兒，當眾對她大聲辱罵。期間港媽太過生氣，竟說出一句令途人心寒的恐嚇說話，事件引起網民熱議。
Photo from MamiDaily
母女追不到小巴
該名網民在香港討論區發文，指日前在小巴站目睹一對母女疑追不到小巴，媽媽於是生氣得對3、4歲的女兒大聲辱罵。她不斷叫女兒落BB車，期間對她又打又罵，又說：「小巴走咗啦，叫你落車行你唔落」。網民指當時小朋友穿著校服，看上去很可憐，好像想喊的模樣。
Photo from MamiDaily
網民解釋小巴飛站
網民本來想安慰港媽，解釋上不到小巴不是女童的錯，由於「個小巴司機都未埋站就落客，無埋站就飛車走咗，我大人有手有腳都追唔到啦」。可是那名港媽卻「嬲到火遮眼」，整個小巴站到聽著她鬧女。此時，港媽卻突然語出驚人，令眾途人相當震驚。
Photo from MamiDaily
港媽大聲恐嚇女兒
她大罵：「你再係咁，下次劏咗你煮咗你嚟食！」網民坦言沒想過原來竟有媽媽，會用這樣的說話來責罵自己的孩子。「煮細路女嚟食，我以為係童話故事嚇小朋友。估唔到到咗今時今日，都仲可以用呢句說話去嚇小朋友！」不過眼見這是別人的家事，外人無能為力感到無奈。
Photo from TVB《寶寶大過天》劇照
網民對媽媽辱罵反應兩極
帖文一出，港媽的言論隨即惹來網民兩極反應，有人覺得港媽無緣無故恐嚇年幼女兒實屬不妥，「3-4歲都已經明大人講緊乜 可能會變童年陰影⋯」、「3、4歲仲坐bb車 ，自己攞嚟衰」、「呢個港媽要鍛鍊一吓自己嘅EQ」、「我幼稚園果陣啲老師都嚇話邊個小朋友唔聽話就用釘書機釘埋佢個嘴，唔多唔小有啲陰影」。
不過也有人認為父母照顧孩子壓力大，偶有失言很正常，「佢講下啫，湊小朋友真係好多嘢顧，真係做到癲癲哋，我聽落覺得幾好笑，唔覺得去到小朋友有陰影咁誇張」、「我今日先同個仔講：生舊叉燒好過生你」、「火遮眼講錯嘢，個個啊媽都會」。
延伸閱讀：
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
