download MamiDaily 親子日常 app
【拒絕入學】張致恒呻因形象負面遭幼稚園校長歧視 嬲爆:難道我個仔就唔配讀書嗎?

【拒絕入學】張致恒呻因形象負面遭幼稚園校長歧視 嬲爆:難道我個仔就唔配讀書嗎?

mami熱話 明星家庭
By Louisa on 27 Oct 2021
Digital Editor

下月步入37歲的前Boy'z成員張致恒(Steven),近年負面新聞不斷,曾被爆一腳踏六船混亂情史,即被全城炮轟賤男,演藝事業幾乎玩完。後來跟原是女粉絲的雯雯在輿論下宣佈結婚,二人更兩年抱兩,先後誕下大仔張天寶和細仔張天牧。

下月步入37歲的前BOYZ成員張致恒(Steven)近年負面新聞不斷,曾被爆一腳踏六船混亂情史。Photo from 張致恒Instagram

負面新聞無阻當好爸爸

不過正當生活看似漸上軌道,Steven卻又捲入欠債醜聞。有不少圈中人陸續爆出曾借錢予Steven,估計他欠下的街數超過40萬元。事件令Steven除賤男稱呼外,更增添了欠債拖數等負面標籤。雖然外界負面新聞一籮籮,但Steven經常在社交平台分享家庭日常,對2個兒子而言,相信也算是個好爸爸。

二人更兩年抱兩,先後誕下大仔張天寶和細仔張天牧。Photo from 張致恒Instagram

兒子面試遭拒收 斥校長歧視

日前2歲半的大仔張天寶正參與幼稚園面試,Steven在Instagram分享自己陪兒子去面試的不愉快經歷。他直斥幼稚園校長竟因為其負面形象而拒絕讓他的兒子入學,「其實真係好嬲,雖然我係曾經犯過好多錯,大家唔原諒我唔緊要,但係點解我同個仔去報名幼稚園要比個校長歧視,難道我個仔就唔配讀書嗎?」

Steven經常在社交平台分享家庭日常,對2個兒子而言,相信也算是個好爸爸。Photo from 張致恒Instagram

不滿幼稚園因他而拒收孩子

他又反問:「有一個咁樣嘅爸爸就唔可以係呢個社會立足嗎?你作為一個幼稚園嘅校長講到自己唔會放過任何一個教小朋友嘅機會,就要講到明因為我嘅原因唔俾我個仔機會讀書嗎? 」雖然面試經歷惹Steven大怒,不過他並沒有公開幼稚園名字。

他直斥幼稚園校長竟因為其負面形象拒絕讓他的兒子入學。Photo from 張致恒Instagram

網民:「驚你學費走數」

網民對於事件有不同看法,有小部份人認為大人的事不應影響孩子,而且學校理應有教無類。然而大部份人不認同Steven的申訴,「第一日喺香港做人?小朋友入心儀學校如果咁容易,啲家長駛咁辛苦?」、「唔收 = 歧視???」、「原來當年牛津劍橋歧視我」、「但係你做緊嘅嘢係證明比校長睇佢做嘅決定係冇錯」、「自己連累個仔,仲要大大聲話人歧視」。也有人以他的負面新聞揶揄他,「其實校長都係驚你學費走數啫」。

有人以他的負面新聞揶揄他,「其實校長都係驚你學費走數啫」。Photo from 張致恒Instagram

Text:Mami Editorial
Source:張致恒 Instagram

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道