張繼聰高調護妻 「承受懷胎十月之苦，係偉大！」

謝安琪（Kay）今年3月生咗囡囡張靖之後，停工已逾半年。今日有報導指阿Kay遲遲未肯復出，係因為未修身！為遮掩身形，更不惜在炎熱天氣下身穿全黑秋裝！報導一出，又惹來一眾口痕網民連番惡意硬擊，身為「最強愛妻號」的張繼聰，就迅速在社交網站大反擊，撰長文Man爆護妻！

阿Kay為生女全面停工，近年愈撈愈掂嘅張繼聰，一個人孭起頭家都毫無怨言！今年一月結婚十周年時，已曾在FB發表愛妻宣言。佢話：「感謝你成為我的妻子及最好的朋友。晃眼十年，因為有你同行，就算走過高山低谷，我都覺得沿途風光明媚。能夠有如此靈魂伴侶，讓這趟地球之旅變得幸福圓滿。」

阿Kay年屆40，已屬高齡產婦，就算醫學再昌明，都有「搵命博」之危！相信阿聰亦深明呢一點，因此對老婆的付出，更是感激！仲話：「女士們生完BB，最緊要係調理身體，根本唔需要介意身形。到適當嘅時候，先開始運動配合飲食，你慌唔會fit番？」Man到咁！你慌閃唔爆班網民咩！？

其實阿聰高調護妻都唔係第一次，舊年有位網民話阿Kay個樣假，阿聰見到即親回：「我覺得我太太是真‧漂亮！小姐，你覺得你在這裡留下這樣的文字，我看到會有什麼反應？你是真的擔心？還是純粹無聊？真的很想知道你的思維方式，求對話！」阿Kay嫁到一個咁維護自己嘅好老公，真係可以安心繼續做幸福人妻喇！

Text: Mami Editorial
Photo Source: 張繼聰、謝安琪 Facebook專頁