超人媽媽麥雅緻一個睇四個 張頴康放心返工

藝人張頴康、麥雅緻一家三口，去年10月再添一員—囝囝張迅橋 （小花生）。早前，老公阿康請假一個月幫手湊B、照顧老婆，而囝囝滿月後，阿康都復工專心拍劇，照顧小朋友的責任都交比老婆了！

早前，麥雅緻在Facebook分享獨自湊小朋友的經歷，表示輕鬆「一打四，無有怕，同佢地一齊畫吓圖畫，睇吓書，唱吓兒歌，睇吓迪士尼美語世界... 留喺屋企都好舒服吖！係我差少少俾錯啲狗餅當係餅餅俾小豆食啫⋯爸爸你放心返工啦！」

爸爸張頴康都應該放心既！爸爸比心機返工！

另外，離新年無一個星期，張氐一家都準備就緒，仲一齊同囡囡DIY利是封，留言「越來越有新年氣氛喇！ 因為Peppa Pig 一家着住新年服嚟咗我哋屋企⋯小豆話好似我哋屋企咁，有爸爸豬媽媽豬Peppa豬同埋George豬⋯ 陪住佢DIY整利是封，好開心！」

Text: Mami Editorial
Photo Source:張頴康和麥雅緻@Facebook