download MamiDaily 親子日常 app
【姑嫂關係】未來姑仔要求簽婚前協議 嫂嫂例出身家讓她傻眼 終極反擊更讓網民大讚

【姑嫂關係】未來姑仔要求簽婚前協議 嫂嫂例出身家讓她傻眼 終極反擊更讓網民大讚

mami熱話 親子新聞
By Dara on 28 Jan 2021
Deputy Managing Editor

除了婆媳關係,姑嫂關係亦是另一條世紀難題。有網友在社交專頁「我的極品四大長老」投稿,分享她與未來姑仔交手經歷,包括姑仔要求哥哥與樓主簽定婚前協議,又直指樓主是外人,質疑她與未婚夫的關係,最後樓主用三句說話反擊,網民大讚做得好。

MamiDailyPhoto from MamiDaily

網友在今日(28日)的投稿中,一開始便說:「我都忍咗個女人好耐,終於忍唔住要爆喇」。事緣樓主的未婚夫有一個同母異父的妹妹,兩兄妹關係好,對樓主這個「哥哥的伴侶」甚為不喜。

樓主一個人在海外定居,她與未婚夫訂婚後,某年聖誕節回來,順理成章地前往未婚夫家裹慶祝佳節,這亦是她第一次見未來姑仔。姑仔一開始便給樓主面色看,黑口黑面,涵養好的樓主沒有計較,盡力與姑仔說一些基本對話,姑仔卻十問九不答,樓主只好當是搭檯食飯。

MamiDailyPhoto from MamiDaily

隨後姑仔知道哥哥要結婚,「佢就發晒癲要我未婚夫同我簽婚前協議。」似是擔心樓主會分身家。但當樓主坐定定跟未婚夫一家,羅列出男女雙方各自的資產後,「條八婆收聲都收唔切,從此一句都冇提過婚前協議呢四隻字。」原來樓主的個人資產,比未婚夫全家還要多,她說:「我都冇諗過要同我未婚夫簽任何婚前協議,因為我覺得結得我就唔打算離婚,同埋我亦都唔係咁計較錢銀嘅人。」

之後的夏天,姑仔生了BB,樓主本與未婚夫前往探望,誰料姑仔開口跟哥哥說不想見到樓主,原因是生小朋友是一件好個人的事,不想見到外人。當時樓主已與末婚夫排期結婚,竟被姑仔質疑他倆的關係。樓主說:「唔見咪唔見囉,不過我都買足晒禮物比佢同佢BB(嬰兒用品,同少量媽媽補身嘅食物),費時佢遲啲又多聲氣話我唔識做人。」

MamiDailyPhoto from MamiDaily

對於姑仔的處處刁難,樓主一直包容。直至臨結婚時,樓主打算簽紙和婚宴分開進行,姑仔竟然說不會出席簽紙儀式,只想去婚宴。樓主由始至終還未決定邀請哪些人參加婚宴,最後對姑仔說:「Sorry喎,我結婚係我好個人嘅事,唔係好想見到啲外人嚟我個婚禮:)」

對於樓主的終極反擊,網民一致讚好,「最尾果句我笑左,答得好!」、「樓主真係好有型啊」。有人懷疑姑仔有戀哥情意結,亦有指姑仔以為樓主嫁入來找著數,深存介蒂,誰知樓主更有錢和有能力!

不少人同意樓主簽婚前協議,「簽!婚前協議一定要簽。記得叫埋姑仔嚟睇你簽,多得佢提醒你保護自己身家呀!」同時亦認為未婚夫為何聽妹妹說話,「個未婚夫廢廢地,阿妹話咩就咩?」對於這種麻煩姑仔,網民充滿人生經驗地說:「佢跟本無放你在眼內!佢起碼無對你假仁假意,都算係咁!口說一家人,背後又另一套,仲難應付!」

延伸閱讀:

延伸閱讀:

Text : Mami Editorial

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道