【默默付出】獨力為兒子填「升中選校表」發現亡妻已備好所有資料 林子博慚愧過去「認屎認屁」:太太才是最稱職!

【默默付出】獨力為兒子填「升中選校表」發現亡妻已備好所有資料 林子博慚愧過去「認屎認屁」:太太才是最稱職!

mami熱話 親子新聞
BySarah on 10 Jan 2021 Digital Editor

前TVB娛樂主播林子博的太太董燕君(Shirley)去年不敵癌魔逝世。身兼母職的林子博日前在個人臉書分享為兒子升中選校的情況,表示一直以來都以為自己是一位稱職嘅爸爸,但在幫兒子安排「中一自行分配學位」時才發現,全是太太在背後默默付出的功勞,才讓他能如此稱職。

林子博。
Photo from 林子博-我們這一家@fb

林子博在太太逝世後身兼母職照顧一對仔女,最近正值「中一自行分配學位」交表時間,林子博在臉書「林子博-我們這一家」分享指:「一直以嚟我都以為自己係一位稱職嘅爸爸,甚至比我太太做得更多、更出色!因為好多關於子女嘅事都係由我親力親為,如家長日見老師、為子女申請證件、搵學校等等.....但而家先發現原來我呢個所謂嘅稱職,由始至終都係由我太太一手造就出嚟!因為冇人再提住我幾時證件到期?家長日係邊一日幾點鐘?重要文件擺喺邊?我根本『一頭霧水』。」

林子博。
Photo from 林子博-我們這一家@fb

中一自行分配學位的申請日子由1月4日至1月18日,子博爸爸需盡快到兒子心儀的中學交表。他在帖文表示,現在沒有太太的提點,要每日提醒自己,並找出申請所需證件、兒子近年的成績表、獎狀及證書等。

當他去找兒子的成績表時,才赫然發現,太太早已準備得妥妥貼貼,「當要搵個仔過去呢幾年嘅成績表時,先發現太太原來早巳將子女由幼稚園開始嘅所有成績表、獎狀、證書『keep起』,而且仲一張一張咁整理得井井有條,方便我呢個所謂嘅稱職爸爸,拎起個File就行得!唔使『𢲡手唔成世』!」。

林子博。
Photo from 林子博-我們這一家@fb

廣告
廣告

子博爸爸在帖文最後向太太感謝一直以來的付出,自嘲過去自以為是個稱職爸爸:「老婆~多謝你一直為我塑造呢個好爸爸形象,喺背後容許我喺人前認屎認屁!其實妳先係一個最稱職、最偉大嘅媽媽!」

林子博。
Photo from 林子博-我們這一家@fb

網民紛紛留言鼓勵打氣,「加油呀, 你都能夠做一位稱職的爸爸」、「加油,爸爸已經做得好好」、「子博爸爸你已經做得很好,再加上媽媽在天上的守護,這個家仍會充滿愛,幸福下去」。亦有網民以過來人身份提醒子博爸爸小心填表,「快啲填好兩份表去交喇!舊年切(砌)呢兩份野,人都癲呀!祝第一輪就收左!」、「你要加油呀~稱職爸爸!我都幫個女交左表,記住18號前交!」

林子博。
Photo from 林子博-我們這一家@fb

Text:Mami Editorial
Source : 林子博-我們這一家@fb

Share to Facebook