【教仔日常】港媽呻小朋友「金魚記憶」教完唔記得曬！網民留言安慰打氣：你不孤單，畀自己抖吓氣！
上星期本港的一宗家庭慘案，起因疑為全職媽媽教子女做功課而壓力爆煲。事實上，教小朋友做功課、溫習，是每位爸爸媽媽心目中的最大「難題」。早前亦有港媽在網上討論區呻：「好辛苦，就嚟爆炸！」帖文一出，不少感同身受的家長網民紛紛現身，留言鼓勵亦建議：「畀自己抖吓氣。」
Photo from MamiDaily
往日小朋友放學回家，條件許可的話，不少家長都會負起「陪做功課」的責任。就算是工作忙碌的雙職媽媽，即使不能指導孩子做功課，都會堅持檢查對錯，或幫忙溫習。然而過去一年因為疫情而長時間停課，家長的「工作量」就更大。因為網課成果有限，就算老師在Zoom時教過，小朋友都可能因為各種原因而吸收不到。那麼本來只是充當「輔助」角色的家長，更要變成「主力」，壓力可想而知！
有媽媽就因為教小朋友而忍不住在網上討論區「親子講場」吐苦水，直言：「有冇媽媽自己教小朋友做功課&溫習？我覺得自己教但成績冇進步，唔知係我問題定係佢吾(唔)入腦？每次溫完一課教下一課，之後問返佢之前既野(嘢)可以完全唔記得？已經默過書做埋練習簿都係咁。」無計可施的她向網民求救：「想請教下各位媽媽有冇咩心得？」
Photo from MamiDaily
大部份家長向樓主表示自己小朋友都是「金魚記憶」，或「教完只剩4成，瞓醒得返2成」，「金魚記憶，龜年出世，你不孤單！」。有網民安慰樓主不用自責，勸該位媽媽「放手」，「畀自己抖吓氣」。不少經歷過的媽媽更搞笑留言指自己已放棄，「我放棄咗，放假放到無心機做功課，我日日被兩隻馬嬲(騮)轟炸，心力交瘁」、「我有教，亦都明顯知佢退步咗。之前學校無online lesson，死頂照教，教完做番學校作業。宜家有live lesson，我已經放咗手啦。」亦有家長指「每個孩子都有自己擅長唔擅長，適合溫書方法，唔係一時三刻知道。」
教子女做功課不容易，尤其大部份父母並非專業教育人士，面對孩子情緒上亦較易緊張，有家長便指：「我想講，每個小朋友都唔同，未必個個可以唔駛(使)去補習。不過你試過，勞氣過後可能會傷害到親子關係，就最好放手畀人地(哋)教吓，每個方法都試下。」
Photo from MamiDaily
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
