靚媽咪香香懷孕6個月 無懼巨肚著高踭鞋現身活動

34歲藝人岑麗香（香香）自從上月公佈懷孕消息後，只係去咗一轉夏威夷度假兼養胎，返港後就繼續工作。

懷孕6個月嘅香香尋日就出席咗自己參演嘅賀歲電影首映禮，香香一身吸睛嘅紅白連身裙，仲好大膽咁著住3吋高嘅高踭鞋。

自從香香度假返黎後一直有出席不同嘅公開場合，工作量有減產但不至於停產，原來係香香同老公都覺得大肚都應該同社會有交流、接觸，只要格外小心就可以。

雖然香香陀住巨肚，但身材依舊keep得好好，係背面睇落一啲都唔似大緊肚。

尋日香香著住高踭鞋大踏步現身，各人見到香香都戥佢擔心，馬上上前攙扶，而香香之前就話過單係著高踭鞋已經研究過好多次，所以好穩陣。

不過見到香香6個月嘅巨肚，大家都份外留神、事事呵護住香香。

黎緊下星期就係農歷新年，香香就表示唔會幫BB?利是住，等BB出世先再?，爸爸媽媽就派住利是先。

Text：Mami Editorial

Photos：岑麗香@IG