孕婦情緒易波動 盡量避免同佢地講嘅3句話

懷胎十月呢段時間，孕媽咪因爲身體內分泌、荷爾蒙轉變大，容易變得變得無常、大起大落。

係孕期間，孕媽咪接觸每一件事或者聽每一句說話都會變得好敏感，容易胡思亂想造成心理壓力。

有醫學研究指出，如孕婦在懷孕期間經常情緒不穩，輕則會影響胎兒整體發育，重則有機會引致流產。

如果你身邊有孕媽咪，千萬要小心，盡量避免講以下幾句說話，免得影響孕媽咪喜悅嘅心情。

1.切勿話孕媽咪肥

孕媽咪因爲懷住多一條生命、多一個人嘅重量，身型上難免比懷孕前睇落肥胖。

如果呢個時候身邊人講一句：「你好肥/你肥左/你瘦唔返」之類嘅說話，會容易波動到孕媽咪嘅自信，令孕媽咪以為自己比以前難睇。

可能身邊人只係直言眼前嘅事實，但對於孕媽咪黎講，會更在意話中意思，可能有身邊人預想唔到嘅影響。

2.切勿話孕媽咪皮膚狀況

由於BB的荷爾蒙疊加於孕媽咪身上，如果係陀住男仔，男性荷爾蒙可能會令孕媽咪皮膚變差、外貌特徵更男性化。

但因為孕媽咪畢竟係女性，而且相信任何人都唔希望無原無故被批評外表。所以大家要盡量避免對孕媽咪講類似說話。

3.切勿話孕媽咪大食

多左BB係身體嘅原故，孕媽咪進食嘅份量相對多左，同時消化速度亦快左。

孕媽咪會容易覺得肚餓同食唔飽，加上孕媽咪除左維持自己嘅日常營養需要，仲要提供額外營養比BB，所以食量改變亦係正常生理改變。

每一個媽媽背後都係付出左好大代價，大家要記得比多啲鼓勵佢地啊～

Text: Mami Editorial