因為經歷過先至有深刻感受 成為媽媽後徹底感悟3句說話深意

人生在世，好多時一首歌、一句說話，從前聽得耳熟能詳，但只睇明表面字眼，並未深深細會箇中意思。成為媽媽後，當聽返呢啲句子，就會變得感受頗深。

Photo from Shutterstock

1.世上只有媽媽好。

從前聽到會感到非常老套嘅一句說話，亦會疑問點解只有媽媽好，唔通爸爸唔好、情人唔好嗎？但當自己生咗BB後，就真真正正感受到當全世界嘅焦點都放喺BB身上，只有自己媽媽會第一時間關心自己身體。另外自己亦會深深體會到自己作為母親，對孩子嘅愛有幾深，除咗願意不眠不休去照顧BB外，即使BB扭計哭喊惹自己生氣，最後總會無條件去氹返孩子。

Photo from Shutterstock

2. 養兒100歲，長憂99。

媽媽總會擔心孩子著得暖唔暖、食得飽唔飽。由BB出世一刻起，無論BB身體有咩大小事，媽媽都會非常緊張、擔心，認為「BB好易死㗎！」。即使身邊人都勸喻媽媽唔好太緊張，但媽媽總係覺得孩子唔識表達。媽媽總會將孩子嘅小毛病無限放大，不停上網或問人意見，愈睇得多就愈擔心小毛病係嚴重疾病嘅其中一項小徵狀，怕因為自己唔上心而令BB延誤病情。

Photo from Shutterstock

3. 所謂父母、子女一場，只不過意味著，你和他的緣分就是今生今世，不斷地在目送他的背影漸行漸遠。

當BB開始長大，逐漸唔需要媽媽抱自己太多，而且開始會去識朋友、返學、唔再黐住媽媽瞓。面對孩子愈黎愈獨立，媽媽都會感到若有所失，久久難以克服呢種分離焦慮，更發現自己原來要適時放開孩子嘅手係咁難，但亦要接受同面對。

Photo from Shutterstock

Text：Mami Editorial

Photo Source：Shutterstock