download MamiDaily 親子日常 app
【BB成長日記】疫症下的QE新生嬰兒黃疸  | 私家醫院跟進服務公院收費

【BB成長日記】疫症下的QE新生嬰兒黃疸 | 私家醫院跟進服務公院收費

mami熱話 爸媽分享 產前產後 育嬰貼士 bloggers
By 和牛B的成長日記 on 07 Mar 2020

妹妹出世後第二日,喺醫院病房抽血,驗到新生嬰兒黃疸指數偏高。醫院就唔俾妹妹同我出院,雖然醫院話黃疸指數偏高,但又話未需要去到照燈。於是就叫我哋留醫多一晚,觀察一下。明早再驗一次血,再睇妹妹嘅情況。

好啦,因為咁無需要照燈之下,兩母女又一齊住多咗一晚。

第二日,妹妹又再喺腳板底抽血驗。等數小時見埋醫生,醫生話妹妹可以出院,超級開心呀!即刻執行李走。而姑娘都有吩咐,出院後要即刻預約健康院服務。

和牛B的成長日記Photo from 和牛B的成長日記

我哋好快就約到個期,結果去到健康院檢查新生嬰兒黃疸。健康院係用機驗,非抽血。所以健康院即時話妹妹個指數好高,仲即刻寫封轉介信俾我哋,要我哋儘快返去檢查同照燈。

去到QE,辦理所有手續。妹妹要擺低喺醫院,又抽血驗。然後等3-4小時先知驗血報告,睇下係咪需要留院照燈。結果4小時後,醫院話妹妹黃疸指數未去到需要照燈,可以出院。

不過,姑娘帶咗新嘅訊息同選擇俾我。佢話因為疫症關係,醫院都考慮到父母會擔心帶住BB出入公立醫院會有風險。所以特意為「新生嬰兒黃疸」安排一個名為「新生嬰兒黃疸治療協作計劃」,就係私家醫院轉介服務,價錢同去公院一樣平,但就去私家醫院檢查。

而QE提供嘅係轉介服務,係可以以公院價錢去到聖徳肋撒醫院到做檢查。考慮到安全,同地點。我哋都覺得去私家都好方便,所以都叫QE幫忙預約留位。第二日就過去覆診檢查。

唔去私家醫院都唔知,原來而家私院係唔收發燒及有新冠肺炎病徵嘅病人。所以相對有確診人士嘅機會低好多,亦安全好多。

登記後,馬上可以去抽血驗。輪候、抽血時間不出5分鐘,再到診症室等見醫生。

醫生話妹妹個新生嬰兒黃疸指數偏高,要馬上安排留院照燈,至少2日。我哋有問醫生,點解會健康院話高、QE話未需要照。醫生話因為健康院同每間醫院定嘅指數界線都唔同。例如醫院要去到300度或以上先可以照,但係如果指數去到380度,係會傷到個腦。

最後,妹妹用15分鐘時間內就已經被安排上到病房,沖好涼就即刻照燈。

和牛B的成長日記Photo from 和牛B的成長日記

全程加埋都係大概1小時,相比公院真心慳咗好多時間!所以,政府真係好需要出招舒緩公院嘅資源同壓力。人手不足,又要應付疫症病人,真係好吃力。

講咗咁耐,等我分享返今次QE轉介去聖徳肋撒醫院嘅收費先。

費用:
每次診症費$80
入院費用$75,以及每日住院費用為$60

和牛B的成長日記Photo from 和牛B的成長日記

所以,如果其他公院都有提供私院轉介服務,跟進新生嬰兒黃疸。唔需要擔心,私院無BB嘅出生資料、病歷狀況。因為公院同私院已開通醫健通服務,申請咗醫健通。公院、私院只要撳個掣就會有晒所有資料,真心方便。今次,真係慳到時間又安心。如果無轉介服務,我都唔知要再來回QE折騰多幾多日了。

和牛B的成長日記Photo from 和牛B的成長日記

關於新生嬰兒黃疸
和牛B的成長日記Photo from 和牛B的成長日記

#公院價錢私院服務爽
#增加公院資源開支
#感謝醫護
#新生嬰兒黃疸
==============================

Text & Photos:和牛B的成長日記

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道