【K1面試】總結幼稚園面試心得：面試內容＋衣著＋注意事項

其實Aidan的PN全日班讀得好好，學校的老師和姐姐都非常有愛心和耐性，佢好鍾意番學，而且仲培養到好好的作息時間，所以都諗過在原校升讀。

當初選擇這間學校係因為考慮到小朋友仲細，想揀一間近屋企的。
但考慮到正式讀幼稚園後就會參加興趣班，所以想轉一間半日制的幼稚園，方便下午可以去上興趣班、做功課和有玩樂的時間。

分享一下Aidan的幼稚園面試，我地因為吸取了朋友的經歷，怕面試日子會撞期，所以幫仔仔申請了10間，最後真係有好幾間都撞日子，但好彩時間有不同，我地最後都成功見晒10間學校。

仔仔每間面試的表現都唔錯，佢好享受面試的過程，喜歡聽指令。

安妮媽媽集合左小小面試心得想同大家分享：
面試內容
通常一入到課室，老師就會問：
1. 你叫咩名呀？
2. 今年幾歲？
3. 你係男仔定女仔？
4. 今日邊個陪你黎？
5. 搭咩車黎？

之後老師會考小朋友
（各間學校都會不同，有啲考兩條就ok，有些學校會考好多條）
1. 叫小朋友指出眼耳口鼻的位置
2. 問顏色的圖卡
3. 跟老師的提問，指出枱上面或圖卡上的物品
4. 拼圖
5. 疊杯仔
6. 情景問題，例如：小朋友係公園玩完好口渴，佢而家需要什麼？要小朋友係枱上揾正確的答案。

總結：
1. 父母要保持笑容和禮貌。
2. 如果小朋友唔識答就由佢，不要從旁提醒或幫手答。
3. 小朋友要自己收拾老師俾佢地玩的玩具，臨走前要推番好張櫈。

當日衣著
我認為不要太浮誇，小朋友著整齊乾淨舒服的衣服就夠，不要係面試當天才穿新衣，如果新衣會令小朋友唔舒服就會影響情緒。
父母家長可以著整潔的服裝，但不要穿著短褲涼鞋。

幼稚園撞期或時間
如果面試撞日子，就要考慮下時間，因為面試時間通常都要預1-1.5小時。
如果兩間學校的地點接近，都可以考慮去埋，但如果時間太趕就唔太建議喇～因為小朋友都會好辛苦，也會影響表現。

預早到學校
在面試當日提早小小到學校，俾小朋友熟悉下環境和放鬆心情先面試

面試陪同人選
父母兩個一齊出席就最好，但有些學校規定只可以一位家長陪同，所以要認真考慮人選。

＊以上只是安妮媽媽經歷過的簡單分享，並不代表是全部學校的準則呀！

Aidan最後都有好幾間心儀的幼稚園收左，都順利揀好、註冊了，希望大家都順順利利啦！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：安妮媽媽親子日記

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！