27歲媽產後2年 月經一來就咳血

27歲嘅李女士，喺上年年底開始，一來月經就會出現咳血現象，直至經期完了又會回復正常。去醫院檢查後發現自己患上「子宮內膜異位症」。

湖南長沙市一名27歲李姓女士，生咗小朋友2年幾，身體一直都健康無恙。但自從上年年底開始，每次來月經時都會咳出血。李女士曾經去過屋企附近嘅醫院求醫，發現係雙肺異常密度灶。醫生幫佢消炎、止血後，當刻情況有好轉，雙肺異常密度灶亦消失了。但事隔3個月後，李女士又再開始咳出血。

Photo from MamiDaily

李女士害怕又擔心，於是決定再去醫院做檢查。醫生得悉佢每次咳出血都係處於月經期間，而經期過後又會回復正常，因此為佢進行咗進一步檢查，最後發現李女士患上「子宮內膜異位症」。

Photo from MamiDaily

醫生透過藥物為李女士調整患內分泌系統，經過3個月治療後，情況終於逐漸好轉，亦再冇出現咳出血嘅問題。

呼吸內科副主任醫師曾祥伯指：「子宮內膜異位症係婦科常見嘅一種疾病，主要係由於子宮內膜通過循環，轉移種植喺其他部位，並且進行生長。隨住月經周期，會出現增厚、充血、引起局部疼痛等。而最常發生嘅部位係盆腔同腹腔。」又提醒女士如果經痛症狀非常明顯，或有別於以往的話，一定要盡早求醫。

Text：Mami Editorial