生仔5個好處 媽媽安全感急升！

「生仔定生女好啲」呢個問題永遠都冇一個啱嘅答案。好多人都話囡囡好貼心、媽媽又可以幫佢扮靚靚，其實生仔一樣咁好㗎！

Photo from Mamidaily

1. 老公唔會被搶
成日都話女兒係爸爸嘅前世情人，生咗女之後，老公畀囡囡溶化，咩都聽晒佢話～ 生仔就唔同啦！好多爸爸對囝囝嚴厲啲，生仔啲話，媽媽地位冇變，老公仲係屬於自己嘅～

Photo from Mamidaily

2. 懶媽育成
同兒子出門口，只需15分鐘！唔使幫佢揀衫、紮辮、諗造型，只需要著好衫、著好鞋就出得門口，方便快捷，慢慢就會變成懶媽媽。

3. 置裝費較少
男仔嘅時裝，同女仔比較嘅話係冇咁多花款！生女嘅話，見到靚少少都忍唔到手。生仔就唔同啦，一方面囝囝通常都冇乜要求，另一方面媽媽見到啲衫好少會心心眼，可以等到唔啱著先買過啲新嘅～

Photo from Mamidaily

4. 安全感上升
屋企多咗個男人，成個感覺真係唔同啲！男子漢～ 第時大個可以保護媽媽！屋企有啲咩都可以幫手維修，有咩重嘢都可以交晒畀阿仔！

Photo from Mamidaily

5. 顧慮少啲
生咗女之後，真係好多嘢諗，成日都好驚佢會受傷害、畀人欺負等等。生仔就少咗呢啲煩惱，深信佢哋可以自己保護自己。

Photo from Mamidaily

Text：Mami Editorial