【結婚條件】傾唔掂嫁娶錢銀同女友陷冷靜期 被要求買樓 港男:女家算不算賣女?
Photo from 《香港愛情故事》劇照
情侶月收入差距大
樓主在香港討論區發帖文，透露自己「傾唔掂嫁娶錢銀同女友冷靜期中」。首先來看兩人的背景，樓主和父母同住，每月固定收入4萬元，平時開銷簡單，8千給家用，8千用作生活開銷，其餘則通通儲起來，因此目前已經有60萬的儲蓄。未來預計將支出30萬元用作父母舊樓翻新費用。而女朋友同樣和父母同住，薪水只有1.8萬元，扣掉幫父母供樓的6千元、家用6千元，只剩下6千元用作日常開銷和儲蓄，因此儲蓄不多。
Photo from 《香港愛情故事》劇照
女方家長要求男子結婚前買樓
兩人談及婚嫁，惟女方不願和父母討論婚嫁細節，只好樓主親自上陣。女方家長直接開出結婚條件，包括相當於樓主約3個月人工的禮金，$128,888，並講明不會回一半。另外，他們要求樓主需要自付買私樓，但無需寫女方名字。樓主聽後大驚，希望未來岳父能夠降低條件，比如改為租樓、買公屋、或是同女朋友一齊供，結果全被否決。女方家長態度堅決，表示不用擺酒對樓主而言「已經好輕鬆」。
男子：算不算賣女？
飯局不歡而散，樓主後來才得知女朋友被父親大鬧，「中途她父拉她出去，大罵我離晒大譜，話我不尊重佢地，唔應該提出其它方案」。女朋友或許因此被動搖，給樓主一個方案，表示自己不想生活水平下降，因此只能答應每月犧牲掉儲蓄部分，為兩人的新家庭投入約2千元，若樓主不接受，「就不要再傾」。樓主一方面不認同女方父母的條件，直言：「這算不算賣女」，一方面又捨不得戀情，詢問網民是否要追回女朋友。
Photo from 《香港愛情故事》劇照
買樓不吃虧 vs 分手搵過
對此，網民有不同見解，部分網民認為女方家長是為女兒考慮，畢竟他們並未要求買樓要落女方名字，對男生而言並不吃虧，「唔駛落女友名，只係希望你自己供，呢個要求都唔算過分」、「男女雙方都係顧家、肯供養父母的好男女，這代人很少。12萬8禮金真的不多，又唔使擺酒，你好好珍惜眼前人」、「買樓唔使寫女方名都ok，層樓都是你自己，佢人工萬八蚊真是自己洗都啱啱好，計埋比錢父母，如果是我得咁少人工都負擔唔到個家庭，比我就唔結婚」。
而其他網民則支持樓主放棄這段感情，尋找更合得來的另一半，「主要睇女方意見，如果女方真係愛你，佢唔會聽由父母之言來決定下嫁於你，唔需要強迫自己做能力以外嘅事來迎合女方家人，如果女方堅持，咁你就放手吧冇意思的」、「好多人問唔寫女方名ok？樓主，你諗清楚，結咗婚，第日離婚，唔駛寫女方個名，但都要分一半資產比佢，自己諗清楚先去做啦」、「如果個女仔是真心愛你，唔洗禮金跟你走都得。現況婚後你有排捱，無唯將自己打入地獄」。
Photo from 《隱門》劇照
延伸閱讀：
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
