download MamiDaily 親子日常 app
【安妮媽媽懷孕日記】孕中後期免費產前講座、QE產檢詳細分享!

【安妮媽媽懷孕日記】孕中後期免費產前講座、QE產檢詳細分享!

爸媽分享 bloggers

醫生仲會畀埋張產科紀錄卡我,呢張卡好重要,要隨身攜帶,如果之後的孕期有任何懷孕唔舒服、見紅、穿水等,都可以直接上B座4樓產房,唔使先去睇急症。

政府免費產前講座,安妮媽媽推介:

・「產前物理治療及夫婦齊學分娩球」
好有用,老公可以學到點幫孕媽媽按摩舒緩腰痛,但名額太少,要留意登記日期當日即book。

・「輕輕鬆鬆分娩樂」
可以畀孕媽媽更清楚分娩的過程,睇下產房的圖片。

QE定期產檢(29w4d)
4個星期後又來QE覆診,今次只需要帶覆診紙,身分證。同埋記住要留早上第二次的小便,食早餐前留起。登記後又係自己去磅重同量血壓,再過護士房同姑娘講番,之後拎番樽小便出黎驗。就可以坐係出面等叫名。

MamiDailyPhoto from MamiDaily

今次見醫生仲簡單!入到房問你有無咩大問題,無就上床用胎心機聽心跳,簡單檢查下個肚就完成,快到2分鐘都唔使。因為我有去私家產檢,所以要求醫生俾我可以遲多小小先再黎覆診,係呢個抗疫時期,唔想出入太多次醫院,最後醫生俾我5個星期後的36w番黎驗B型鏈球菌。

QE定期產檢(36w)
5個星期後又來QE覆診,步驟同上次一樣,仲要填寫健康申報表。今次見醫生最重要係要驗B型鏈球菌,之後聽BB心跳,醫生仲會檢查BB的頭轉左落去未。見完醫生約左下次的覆診期,就要過C4房抽血檢查有無貧血,之後就走得。

QE定期產檢(38w)
2個星期後又來QE覆診,步驟同上次一樣。今次見醫生得知今胎中左B型鏈球菌,所以一作動就要即入院,生之前要打抗生素。同埋我有同醫生反影BB朝早的胎動次數好似小過之前,所以檢查完要上病房聽BB心跳半小時。

見完醫生約左下次的覆診期,再去見姑娘,姑娘俾左張數胎動次數的圖表我,要我每天記下胎動的時間以作紀錄。之後去急症室登記就上C2病房聽心跳,半小時後合格就可以走。當然走之前要到會計部俾錢先,公務員家屬$68就ok。

==============================

Text & Photos:安妮媽媽親子日記

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道