download MamiDaily 親子日常 app
傳說中的「攞我命三千」!廣華醫院順產媽媽生產記之陣痛最可怕!

傳說中的「攞我命三千」!廣華醫院順產媽媽生產記之陣痛最可怕!

懷孕 爸媽分享 產前產後 女性健康 教育心得 bloggers

非常感恩,懷胎十月以來一直陀得幾舒服,完全無孕吐,行得走得食得瞓得痾得,生活如常,行動自如,頭6個月體形亦無明顯變化,所以好多人都唔知我有咗BB。直至預產期前2-3個星期,個肚愈來愈重,開始坐立不安,條腰開始酸痛,瞓到半夜就會起身,第二朝又要如常起身返工,十分煎熬。

(孕照拍攝於32週,當時個肚仍然未算大,攝影師叫我挺個肚出嚟,但挺完都係唔大!)

究竟幾時生得?踏入預產期前1個星期,每朝起身都問一次呢個問題,然後每一日都有少少失望⋯ 自然分娩就有呢種令人又怕又期待,坐立不安的感覺。

預產期的早上,如常起身梳洗,「見紅」了,心諗阿女真係好準時喎!無陣痛亦無唔舒服,焗定炒米茶,拎定走佬袋,叫醒老公落街食早餐,食飽就去醫院檢查。當時以為自己好醒,準備充足,點知「空歡喜」一場⋯⋯

胎記的形成是因為皮膚組織在發育時出現異常反應Photo from MamiDaily

人生自有認知以來第一次住醫院,每次醫生嚟檢查我都會問下醫生幾時生得,醫生當然話唔知道啦!既然住咗2晚都無動靜,醫生俾咗另一個日子叫我入院催生,又要等多7日,好不情願地出院。

自然分娩真係令人好驚喜!明明出院嗰陣毫無動靜,點知當晚突然嚟料,終於經歷到傳說中的陣痛,由無規律的陣痛直至20分鐘一次、15分鐘一次,心諗今次應該真係生得喇!由於之前住咗2晚醫院都「空歡喜」,我唔想咁快入院,於是忍痛忍左成晚,流咗好多血,坐立不安,痛到瞓唔到,理性地執返個「走佬袋」出嚟,預備好炒米茶,忍到第二朝叫醒老公送我入院。今次痛到行去食早餐的力都無,一落街就直接搭的士去醫院。

MamiDailyPhoto from MamiDaily

去到醫院完成一系列的檢查,原來仲要「等」!等到開始5分鐘一次陣痛,等到穿羊水先可以生,否則下午醫生檢查後再決定係咪可以落催生劑!當時我無奈到不得了,唯有沉著應戰,學阿媽話齋,食飽先有氣力生,於是乎無胃口都食返個早餐先!痛,愈來愈痛,痛到不行,坐坐下瑜珈波突然穿羊水了 (好似賴尿咁,有堆暖水湧流出來),姑娘話準備進入產程了。

(無錯,孫姑娘真名叫Ellie)

2019年1月廣華醫院順產媽媽分享

==============================
Text & Photos:孫師奶的媽媽日記

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到:[email protected] 我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道