【抗疫活動】親子行山遊 簡易路線推介 景色視野一流

依段抗炎期間，小朋友每天都在屋企，以免去人多地方。眼見大眼仔試過幾次自己去攞鞋仔，高呼：「街街！」；始終男仔都要放電，這個假日終於一個家人去行山走走。先生見我已陀BB 7 個半月，所以選擇輕鬆一點的行程，我們只是搭車上到山頂，再慢慢行走落山。想不到郊區有咁多人，沿途亦好多車上山落山，人群聚集嘅地方，我都建議大家戴住口罩行山哦。

飛鵝山高 603 米，山頂完全可以看到全個東九龍景色，視野一流，作為女仔行山嘅要求：除咗郁動下就係想有靚人靚景靚相。這個地點絕對符合要求，而最重要係呢條路徑沒有什麼梯級，只是暗斜路，比較易行；我們帶着嬰兒車也可以順利推動就着，當小朋友走到疲累的時候也可以上車休息一下！但係要留意嘅係當中沒有太多椅子位及廁所位，可中途休息，所以遇見到兩個涼亭位就建議休息一下。但係以行山路徑來說，比較短途，也沒有太大問題。

上一次我來飛鵝山登山是我陀第一個BB時行過，那時很舒服，人也不太多。想不到這次來到郊區頗多人，沿途亦好多車上山落山，可能大家都唔想留喺城市裏面，諗住一定侷促、多人多菌。

開心嘅係多人行山即代表多人欣賞香港繁華背後的自然風光；但同時沿路上的垃圾及煙頭，連用過的口罩都有，多到太誇張了。其實行開山的人士，很多都自律自己垃圾自己處理離開；試問要動用幾多清潔工人可以將全山垃圾清除晒？如果要等時間用掉所有垃圾要幾長？

自然環境很珍貴，希望大家都負責任維護而不是極速破壞，以身作則做一個正面教材給小朋友學習。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：Yin Tsang大眼姨姨

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！