download MamiDaily 親子日常 app
【親子外遊】小小豬遊澳門|澳門渡假村之旅 - 憤怒鳥遊樂中心

【親子外遊】小小豬遊澳門|澳門渡假村之旅 - 憤怒鳥遊樂中心

親子好去處 爸媽分享 親子旅遊
By 小小豬Kinsey on 08 Oct 2019

雖然已經開學一個月,不過去玩係冇分時候嘅,所以心思思就嚟澳門Hea遊一番啦!

今次我地入住澳門十六浦渡假村,話說小小豬第一次外遊就係陪婆婆一齊去澳門玩,當時我地都係入住依間酒店嘅,所以唔多唔少都帶有少少回憶。當然⋯⋯嗰時仲係BB嘅小小豬又點會記得當中點滴,佢嚟到望到AngryBirds張海報就已經超級期待啦~
親子外遊 - 憤怒鳥遊樂中心

我地到左碼頭就當然去搭酒店旅遊車返酒店啦
親子外遊 - 入住澳門十六浦渡假村

大約十幾分鐘嘅車程,我地就嚟到酒店。雖然係位於澳門舊城區,但酒店都好有特色,酒店大堂都幾有FEEL添~
親子外遊 - 酒店大堂
親子外遊 - 酒店大堂

CHECK-IN之後我地就到返房間休息一陣,叉夠電先再去玩啦!

一打開門都有點驚喜,因為我地嘅房間都好大好寬敞,成個感覺真係好正呀~
親子外遊 - 酒店房間
親子外遊 - 酒店房間
親子外遊 - 酒店房間
親子外遊 - 酒店房間

間房內就已經好滿意,再望埋出去個風景真係勁有Feel呀~
親子外遊 - 酒店風景

放好行李休息一陣,小小豬已經急不及待要出門口去酒店三樓嘅憤怒鳥遊樂中心大放電啦~
親子外遊 - 憤怒鳥遊樂中心

未出發先興奮,入場前先係幾個可愛佈置位打卡先啦!
親子外遊 - 憤怒鳥遊樂中心打卡位
親子外遊 - 憤怒鳥遊樂中心打卡位
親子外遊 - 憤怒鳥遊樂中心打卡位
親子外遊 - 憤怒鳥遊樂中心打卡位

一入場小小豬就已經立即心心眼,因為場內都有好多唔同遊戲,啱晒佢最鐘意走嚟走去呀~
親子外遊 - 6000呎遊樂空間

第一站就係「豬豬海盜船」,小小豬話依條透明旋轉滑梯瀡落嚟好刺激呀!
親子外遊 - 「豬豬海盜船」

當然唔少得係波波池玩啦~
親子外遊 - 波波池

「憤怒鳥海灘」就可以坐住水泡衝入型波波池,小小豬話好好玩,但要自己拎住個大水泡上去就有啲攰啦~
親子外遊 - 「憤怒鳥海灘」
親子外遊 - 「憤怒鳥海灘」

小小豬最鐘意就一定係「豬豬城堡」,係個迷宮入面走嚟走去,仲捉我陪佢玩「捉伊因」,玩到我都攰到冇朋友。 好在之後識到一位新朋友仔陪佢玩先放過我咋,所以話⋯⋯出外靠朋友依句話係冇錯呀⋯⋯哈哈~
親子外遊 - 「憤怒鳥海灘」
親子外遊 - 「憤怒鳥海灘」
親子外遊 - 「憤怒鳥海灘」

另一個小小豬至愛地區就係「擊退豬豬區」,睇住佢不停走上走落執波波子彈,然後又玩射槍,睇見佢都真係攰。不過⋯佢話有得玩係完全唔覺得攰哦~
親子外遊 - 「擊退豬豬區」
親子外遊 - 「擊退豬豬區」

周圍走都未夠,仲走去彈床狂彈,真係唔明點解佢可以咁多精力呀!
親子外遊 - 彈床

論小小豬逗留得最耐嘅地區就係「軟體炸藥區 」,佢同朋友仔係入面用炸藥箱及石材等軟積木砌出唔同場景,要打敗啲豬豬咁話哦~
親子外遊 - 「軟體炸藥區 」

男孩子就總係鐘意扮車手,所以就算場內小朋友都幾多,佢都乖乖嚟「憤怒鳥大街」排隊渣返一轉車先~
親子外遊 - 「憤怒鳥大街」
親子外遊 - 「憤怒鳥大街」

場內都有個小店鋪可以買一系AngryBirds精品嘅,當然...我又係用嗰一招「影左當買左」啦~
親子外遊 - 精品店鋪

話咁快小小豬係入面就玩左兩個鐘,係入面就當然係玩得超級興奮,仲唔多唔願走。如果唔係佢玩到肚餓,我估佢都唔會走得咁順利呀!

係小小豬同朋友仔玩緊嘅時候,我就當然係場內周圍八卦一返。原來係酒店食自助午餐,小朋友只需要$148就有得食之外,仲可以有憤怒鳥遊樂中心兩小時免費入場。入嚟玩兩小時都要$130,加多少少錢就可以又食又玩,咁下次再嚟就識得點可以玩得更加精明啦(我認⋯⋯我唔係一個精明的師奶仔)!

之後我地就去酒店附近嘅餐廳食個簡單晚餐,之後就返酒店嚟一個特別節目。

其實今次我地嘅澳門之旅主要目的係去旅遊塔下睇煙花,點知當係酒店樓層電梯走廊窗見到旅遊塔時,老公就多多理由建議留係酒店睇煙花(其實係怕個仔周圍走辛苦),最後當然係兩票對一票,食飽飽回房間休息一陣,夠鐘就到傻傻地出走廊睇煙花。

唉⋯⋯雖然都係冇得近距離睇(算啦,都勝在夠方便)其實我今日陪玩都冇哂電,都要留力明天再玩過~
親子外遊 - 睇煙花
親子外遊 - 睇煙花
親子外遊 - 睇煙花
親子外遊 - 睇煙花

第二朝瞓醒就當然要去食個自助早餐~
親子外遊 - 自助早餐

以自助早餐嚟講佢地嘅款式同種類都算多,而且味道都唔錯添~
親子外遊 - 款式種類算多
親子外遊 - 款式種類算多
親子外遊 - 款式種類算多
親子外遊 - 款式種類算多
親子外遊 - 款式種類算多
親子外遊 - 款式種類算多

食完早餐就緊係做小小豬最鐘意嘅事,咪就係去泳池游水啦~
親子外遊 - 泳池游水
親子外遊 - 泳池游水
親子外遊 - 泳池游水

游泳池旁仲有啲用具可以隨便拎嚟玩啦~
親子外遊 - 游泳用具
親子外遊 - 游泳

游完水仲可以去按摩池浸下,依隻豬仔真係識歎啦!
親子外遊 - 按摩池

玩到夠鐘CHECK-OUT我地就離開酒店,之後再到澳門其他地方玩。

小小豬係依兩日一夜十六浦酒店活動都話玩得好開心,緊係啦⋯⋯又放電、又望遠煙花、又有得游水,俾我咁狂玩兩日都鐘意啦!

不過,其實我同老公都覺得住得幾舒服又RELAX,所以下次嚟澳門都可以再嚟住過呀!

==============================

Text & Photos:小小豬Kinsey

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道