【幼兒健康小食 細路仔容易拎住食】

自從囡囡加咗固之後， 我甚少買坊間既麵包糕點， 原因係太甜同埋有太多不知名嘅成分，怕細路仔咁細個開始食市面上過甜嘅糕點， 會對健康唔好，所以就決定自己喺屋企自製小蛋糕。 細細個嘅杯子蛋糕，，帶出街又方便。

材料：

一杯麵粉，

一杯希臘乳酪，

一茶匙鹽，

一茶匙 Baking powder，

一隻雞蛋，

半杯提子乾 (我用黃金提子乾比較健康)

少量砂糖，

四分一杯芥花籽油或者牛油

做法： 首先將以上所有材料攪勻，預熱焗爐三百八十度，張焗蛋糕嘅盤子放進焗爐 ，焗20至23分鐘，熄焗爐，等五分鐘才取出，待涼後便可進食。

小貼士： 記得在焗蛋糕嘅盆底底部搽上油，如果唔係焗完之後會黐住個底，同埋會好難清洗

乳酪可以用花奶來代替，我用乳酪嚟做材料，係因為蛋糕嘅質感冇咁乾身。

以上材料只係整到六個嘅杯子蛋糕，如果想整多啲請將所有材料乘二。

希望你哋嘅寶寶們食得開心啦。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：比卡超人妻

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到：[email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！