【Trouble 2 可怕嗎？比講No更有效嘅教養方法】

自家小女王差唔多搭入trouble two嘅階段， 自問都驚驚地但係都有心理準備。

話說上個禮拜帶佢出街食飯，佢見到檯面D pancake已經急不及待伸隻手自己拎住嚟食。 媽媽見到當然即刻渴令no！！因為知道啱啱上枱，所有嘢一定熱辣辣。但係佢當然唔會聽我支笛，仍然想伸隻手去掂啲熱辣辣嘅嘢食。

大部分屋企有呢個歲數小朋友嘅媽媽，應該都身同感受，日日講no no no，無限loop幾萬次。

不過比卡超爸爸就非常有耐性，同佢解釋，伸隻手掂啲熱嘅嘢食，會焯傷隻手，手仔會好痛。 囡囡又好似即刻聽得明，縮番隻手。靜靜地等我哋幫佢切開啲食物。

經過呢次經驗，我覺得小朋友其實係明做錯嘢嘅後果。只要耐心同佢講後果，有時仲有效過不停咁講no no no。

=========================================================================================================================================

媽媽們，不妨喺兩歲小朋友嘅角度諗諗，佢哋未必成日都明點解咁多嘢都唔準，唔畀。 反而講個後果佢哋會識驚。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：比卡超人妻

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到：[email protected] 我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！