【做孩子知心好友 讓他們願意去分享自己的內心世界】

某一天，當我整好呢個「兒童餐」拎比佢地食時，弟弟話：「嘩，好靚呀個太陽。」但其實我想整既係太陽花。

每個人睇同一件事可能都有唔同唸法，唔同立場，如果我永遠企係自己既立場，用自己既角度，我永遠睇唔到太陽既美。

作為媽媽，我們都要停一停想一想，不要以為自己一定是對，而小朋友就一定是錯，不要用大人的角度去批判小朋友，懂得尊重、嘗試先聆聽後發言，才會令小朋友信任，願意去分享自己的內心世界。

時刻反省，不只是小朋友才該做，大人也需要檢視自己做得不好的地方，與他一同學習一同成長，讓小朋友感受到你是他的同行者，而不止是一個說教的角色。

記得有一次，我問貝貝家姐：「點解妳會揀左我做媽咪既。」

佢答：「係呀，因為我係天上面揀左妳。」

唔知點解佢會識咁樣講

我再問：「點解妳唔揀其他人做媽咪既？」

貝貝：「係呀，因為我好鐘意妳呀嘛，我見到好多其他媽咪，但淨係想跟住妳，有好多人都想跟住你，我地鬥快，最後我跑贏左飛左去妳到。」

佢講到呢到，我已經感動到想哭。

小朋友因為愛我地先揀我地做媽咪，佢完全信任我地，即使我地做得不夠好，佢地仍然無條件愛我地，但願我地除左係媽媽呢個角色，照顧佢地日常起居飲食之外，亦係佢地既知心好友，喜怒哀樂都願意與我地分享。

歡迎瀏覽及讚好2little.notes，內有更多，每日煮意、食譜、育兒分享。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：2little.notes

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到：[email protected] 我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！