【超抵親子好去處 2日澳門酒店4人家庭1千都唔洗】

上年玩過的親子好去處，因為太好玩，所以今年趁優惠推出，立即再火速預訂，去澳門來一趟小渡假~~

今次鯨媽鯨爸帶同鯨姐蝦子再度去澳門，做港豬試坐金巴行經港珠澳大橋，玩2日1夜，又是入住Broadway Macau 澳門百老匯酒店（沒法子，它真的太便宜了），房間雖不大，但淋浴間空間足、樓下食肆林立，還要送$100餐飲券及天浪淘園兩天locker代用券，性價比太高!!

我們2日1夜共跑了4個親子景點，一家四口玩住行都用不過$2,000，超值！

洗費一覽：
酒店：$888 （包2天任玩天浪淘園送$100餐飲券）
交通：$392 （來回香港至澳門）
親子景點門票：$690

今篇文章先介紹其中一個景點 - 天浪淘園!

天浪淘園水上樂園位於 Galaxy Macau 澳門銀河 ，夏天一到立即變成熱點，皆因該處有極好玩的游泳設施，原價要$888的水上樂園家庭套票(2大2小6歲或以下)，只要入住銀河娛樂城旗下6間酒店，即可免費任玩(包括入住期間及離開當天)。

我們今次去澳門就是入住了銀河娛樂城旗下嘅 Broadway Macau 澳門百老匯 酒店，以$888訂了一晚房間，這價咪就係水上樂園家庭套票價位嗎? 絕對是，還多送$100餐飲現金券!! 所以，我們絕對是賺到了!!!

天浪淘園基本上位置就在整個銀河娛樂城商場及賭場嘅上蓋，面積超大，主要分開兩個區域，一邊就係鯨媽鯨爸最愛玩嘅是全球最大空中衝浪池，每隔幾分鐘就有人造浪，不斷將你推向岸邊，相當刺激!

而另一邊好玩嘅設施就是全球最長空中激流，有數個入口位，拎起水泡坐上去就會跟水流移動，沿路有不少灑水設施同透明池底，伴著好天氣玩水真係十分爽! 仲有，近更衣室更有3個不算小嘅Jacuzzi，玩完水再去浸一浸，好鬼舒服!

鯨魚同蝦子來講，最鐘意一定係兩邊區域都有嘅大型水上遊戲專區，為小孩而設架，有水槍柱、小滑梯同灑水喉等等....

唔想玩水嘅都唔怕，呢度有埋150米長嘅白沙灘，最可惜佢倆個唔夠1.2米高，唔係就可以玩埋9米高嘅刺激滑水天梯，鯨爸鯨媽每人都玩左一次喳，相當唔夠喉!

呢個天浪淘園咩都有齊，大毛巾、大小雙人單人水泡、大小救生衣、浮水條等，唯一就係冇拖鞋，建議來玩嘅人自備一雙夏日拖鞋喔~仲有，呢度附有男女更衣室，衛生唔錯，清潔工人keep住做衛生，唔會有臭味，儲物方面，內有大小不同嘅locker，如果是銀河娛樂城嘅住客，check-in時會贈送小locker嘅coupon，如不是住客，就要俾$20租用小locker(夠放一個30L嘅背囊)或俾$80(租用大locker(夠放一個30L-50L左右嘅背囊)。如果肚餓都唔怕，裡面有水吧同小餐廳，有Burger食!

附加資料:
家庭套票優惠: $888 (包含兩位成人及最多兩位6歲或以下小童)
普通門票: $468 (包含一位成人及一位6歲或以下小童)
額外小童票: $250 (12歲或以下小童)
開放時間: 9am-6:30pm

希望以上資料幫到大家計劃澳門行程!

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：鯨魚家姐‧蝦子細佬媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！