【兩個檢查都好重要 媽媽都願意自費去做】

每個新手媽媽有左之後一定忙於搵醫生產檢，睇下 bb發展進度！而每一個階段都會有啲做前好緊張，做完較安心既檢查～

最常見既係 :
1⃣1⃣-1⃣3⃣週 -
早期唐氏綜合症篩查
政府都會為孕婦抽血和以超聲波量度bb頸皮下透明層既厚度, 再配合媽媽年齡和懷孕週數, 運用電腦計算胎兒患有唐氏綜合症的機會率!!

而家私家醫生會有 T21 同 nifty 做, 抽 10ml 血就驗到, 準確度比度頸皮高好多, 有 99.9% 準確 , 有分進階版同普通版, 而驗既種類都多好多, 好似「愛德華氏綜合症」(T18),「巴陶氏症」(T13)等等.. .. 好多媽媽都會自費去做，通常 7-10 日就會有結果，仲會知道性別添～

2⃣0⃣-2⃣3⃣週
照結構
政府會為高危孕婦做呢個檢查, 檢查內容係睇下 bb 心臟, 腎, 肺等內臟, 血管, 手指, 腳指齊唔齊, 有無兔唇咁, 唔好彩發現有問題, 可以同醫生商量對策!!

因為政府唔係幫每個孕婦做呢個檢查, 所以好多媽媽都會自費, 有啲仲有 3D / 4D 照架

--------------------------------

呢兩個檢查都好重要, 雖然價錢唔平, 但為左BB好多媽媽都願意自費去做，趙c9 特意整左個表，方便各位媽媽格下價, 比較下, 呢度只有趙c9 所熟悉同較出名既醫生, 而全部都係我親自打去問價錢， 如有出入, 以醫生最終回覆為準喔！ (我都不能打哂全港既醫生呀!) 希望幫到大家丫～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：趙c9

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！