仔仔活潑俏皮 係最識冧媽媽嘅小情人 話你知生仔仔6個好處

好多爸爸媽媽心目中，兒子較活潑俏皮，有時會擔心自己會唔夠精力同兒子玩，或擔心兒子容易到處闖禍會好難教等等。雖然兒子冇得可以好似女兒咁一齊扮靚靚，不過就係媽媽嘅小情人，一樣好處多多㗎！

1. 唔駛煩襯咩衫

淨係行下童裝鋪就知女仔幾多衫褲裙配搭！好多有女兒嘅媽媽都會希望日日同女兒襯唔同嘅穿搭，由髮型、衣衫到鞋襪、帶咩袋出街都要諗好耐，如果女兒開始有扮靚意識，會揀衫著更令媽媽要花好耐時間先出到門。不過，換轉係仔仔嘅話，就冇大多呢方面嘅煩惱，因為男裝款式黎黎去去都係嗰幾款，仔仔對衣著普遍都冇咁講究，可以慳返媽媽好多時間～

2. 整親都冇咁緊張

女兒跌親、整傷嘅話，爸爸媽媽都會顯得份外緊張，當女兒痛痛而喊個可憐樣，爸爸媽媽更會心都軟晒咁去呵返女兒，又會擔心受傷會令留有疤痕而影響外觀。但仔仔受傷嘅話會希望教導佢要堅強而自己識企返起身，加上男仔有疤痕都可以視為增添男子氣慨，所以爸爸媽媽會感到較輕鬆，唔會好似生女兒咁緊張。

3.媽媽嘅忠實粉絲

仔仔都會好鍾意黐住媽媽，相比起爸爸，會更重視媽媽嘅一切，根本係媽媽嘅小情人無誤！加上仔仔好多時都會口甜舌滑氹媽媽，如：「媽媽，我愛你！」、「媽媽最靚！」等等，真係令媽媽心花怒放，爸爸打爛醋埕！

4.可以保護媽媽

比起女兒，仔仔嘅力氣較大、氣勢亦較好，長大後可以好好保護媽媽，令媽媽感到非常可靠！

5.唔洗介意外貌

好多媽媽都會反映陀著女兒時總會希望女兒生得靚，咁日後嘅路都會易行啲，唔駛擔心嫁唔出； 但仔仔嘅話就完全冇呢個煩惱，生得唔夠靚仔唔緊要，最緊要又孝順又叻仔！

Text：Mami Editorial

Photo Source：Pinterest, 胡杏兒 @ IG, 葉翠翠 @ IG