做咗成日嘢肌肉繃緊仲要同小朋友玩？ 日本爸爸靈機一觸DIY路軌按摩Tee

夜晚同小朋友一齊瞓，好多爸爸媽媽瞓醒後常常都會有腰酸背痛嘅感覺，在職父母甚至要拖住一身疲憊嘅軀殻返工，忙咗一日返到屋企好想鬆一鬆之際，小朋友就拎住兩架車仔等著你同佢玩⋯⋯日本有一位爸爸Ken Kawamoto就經歷住咁樣嘅生活，又想同仔仔開心咁玩，但背肌繃緊到好想去按摩一下，於是靈機一觸，喺一件白Tshirt嘅背面畫上路軌，再著上身趴喺地請仔仔喺自己背上玩車車，結果就可以邊享受按摩邊同仔仔增進感情，真係一舉兩得呀！

呢位爸爸仲好有商業頭腦，好想幫下天下間有同樣情況嘅爸爸媽媽，於是仲將呢件Tshirt變成商品「鐵道按摩Tshirt」，俾大家可以買到！

呢位爸爸仲拍親身示範仔仔喺背上玩嘅畫面，睇落又真係幾溫馨！

如果嫌車仔唔夠力，仲可以請小朋友著上車仔襪，索性為爸爸媽媽踩背！

果然有咗小朋友後，爸爸媽媽個腦都會變得靈活咗，可以腦洞大開自創出無數育兒好物，分分鐘可以開拓出一條財路呢！

Text：Mami Editorial

Photo Source：Pinterest,Ken Kawamoto @ twitter,clubt