【產後紮肚心聲 — 自知身體變差及時紥肚調理身體】

By Suki 綿綿媽媽 on 18 Feb 2019

生完綿綿後，因為開刀傷口發炎，頭一個月都要外出洗傷口，根本無辦法真正好好坐月及調理身體，所以身體都比以前差左。

後來同其他媽媽傾開，先知原來紮肚除了可以幫助修身外，仲可以幫助產後恢復身體機能，例如修復已分離既腹直肌及骨盆，有暖宮作用，預防腰痛，子宮下垂，漏尿等等。

雖然當時已經係產後第6個月，但原來都可以紮肚架。最好係可以book上門紮肚，因為湊住綿綿，唔方便成日外出。我紮肚療程是10日，咁我就可以安心係屋企進行紮肚療程。

產後腹直肌最佳修復時機：
產後 0-7天，可以呼吸修復；
產後 42-90天，修復黃金時機；
產後 3-6個月，修復關鍵時機：
產後 6-9個月，修復的次關鍵時機。

每次紮肚過程大約1.5小時。
1) 首先會量度我肚圍及盆骨圍，拍照做記錄
2) 用油按摩背部，能疏通五臟腑，也可令乳腺暢通，按腰部及腹部，收緊骨盆温子官及收腹直肌分离
3) 運用疏通經络機按背部，腰部及腹部
4) 利用骨盆腹直肌修腹儀器，會有暖暖地感覺，做完感覺好放鬆及舒緩
5) 開始用布紮肚，紮好後，要keep住每日最少紮6-8小時

我的感覺：
整個過程其實好舒緩好relax，只係開始紮肚時會有小小緊，唔係太適應，但可以接受。不影響餵人奶，照可以食野，所以我可以安心紮肚。紮肚第一日(產後198天)，我肚圍係82.5cm，第二天已經變到80.5cm，當時覺得好神奇， 10日紮肚過程，我肚圍最後係76cm，一共減了6.5cm，肚紋減淡左。不過我紮肚目的主要不是為修身，而係希望可以修復身體機能，因為之前坐月坐得不太好，希望藉著紮肚機會可以修復子宮。其實我一直都有夜尿問題，每晚都最小起身6次以上，所以睡眠質素比較差，但自從紮肚後，發現改善了，有時一晚去一次，試過完全唔需要起身去夜尿，所以最意想不到係改善左多年既問題。另外因為餵人奶抱bb，可能姿勢唔好而影響腰痛，但紮肚後發現無左腰痛既感覺，所以都覺得好神奇。雖然紮肚後係可以幫助改善身體，但自己當然要記得好好keep住養生先得，希望我能做得到啦～

產後為什麼要做紥肚呢？
因為產前陀B時，令到腹直肌分離，骨盆分離，而產後初步，即坐月黄金時間，卵巢保護做紥肚，可以令到腹直肌分離修復及令到骨盆分離修復回到未生之前之位置。
可以令到卵巢保護及子宮作用：女人如保護好卵巢及子宮，可預防身體，面色，健康，預防衰老，預防腰痛，子宮下垂，漏尿等。
*紮肚療程日數長短，會因應個人不同情況而定。