懷孕化妝會危害到BB嗎? 5個孕媽媽常見扮靚疑問

懷孕化妝會危害到BB嗎? 5個孕媽媽常見扮靚疑問

孕媽專區
By Mamidaily on 15 Feb 2019

愛美係女性嘅天性,但常聽聞孕婦好多嘢都唔做得,如化妝、染髮等,怕當中嘅化學品會被胎兒吸收而對胎兒造成壞影響,媽媽們當然會非常唔敢冒呢個險!但如果要孕媽媽喺整個懷孕期日日都以一副素顏示人,相信大部分孕媽媽都會感到非常難接受!究竟懷孕中係咪真係要脂粉不施呢?等小編為大家解開最常見嘅5個扮靚疑惑啦!

shutterstock_753267037

1. 孕婦可以化妝嗎?

的確好多化妝品都會含有對胎兒有害嘅物質,如含激素和銅、汞、鉛等重金屬,尤其係美白、祛斑類化妝品最容易造成胎兒畸形。但但市面上亦有標榜成分單純,以天然原料製成嘅溫和化妝品,適合孕婦使用。如果孕媽媽想化妝嘅話,安全起見最好將手上嘅化妝品換一下。

2.孕婦可以搽唇膏?

唇彩、唇膏類最常用各種油脂、蠟質、顏料同香精製成,除咗會吸附空氣中各種對人體有害嘅重金屬微量元素外,仲可能會將呢啲有害物質隨着唾液帶入體內,令胎兒受害,所以孕媽媽最好避免經常搽唇膏。

shutterstock_765185176

3. 孕婦可以染燙頭髮嗎?

外國曾有研究顯示,染髮劑唔單止易引起皮膚癌,而且仲易引起乳腺癌、導致胎兒畸形等風險,所以孕媽媽為胎兒著想,最好忍耐一下,唔好喺孕期內使用染髮劑。如果真係迫不得已要染髮,亦最多等過咗頭三個月先進行,因為胎兒頭三個月發育非常重要,亦係最容易發生畸形嘅時期。

4. 孕婦可以搽指甲油嗎?

指甲油最常見三大有害物質:甲醛、甲苯同DBP塑化劑。雖然大部分歐美指甲油品牌早已淘汰呢3種化學物質,但有啲價錢較平或日韓品牌嘅指甲油仍然有機會含有呢啲物質,孕媽媽可選擇標明孕婦可用嘅指甲油。另外即使避免咗有害物質,但指甲油嘅氣味或會令孕婦感到不適,所以要搽指甲油嘅話,應確保空氣流通,或使用無氣味嘅指甲油。而孕婦亦要小心避免使用含有丙酮嘅卸甲水。

shutterstock_236859715

5. 孕婦可以搽防曬嗎?

孕媽媽最好用純物理性防曬用品,亦要注意防曬品所含嘅成分,唔好用具有美白、速效嫩膚等功效嘅防曬品。因為有啲具有美白功能嘅防曬品會添加有害金屬元素,如汞、鉛、坤或鈦白粉。皮膚長期吸收汞會導致神經系統失調、視力減退、腎臟毀壞、聽力下降,仲可由母體進入胚胎,影響胚胎發育。

Text:Mami Editorial

Follow Instagram: MamiDaily


Share to Facebook