1歲BB要追住餵食飯? 5個方法令孩子乖乖坐好食飯

1歲BB要追住餵食飯? 5個方法令孩子乖乖坐好食飯

媽媽心事親子相處
By PressLogic on 08 Feb 2019

BB自1歲起,會變得更好動活潑,好多媽媽一方面對於BB變得更精靈而欣慰,但另一方面又會因為BB唔願意坐定定食嘢而大感頭痛!想引導BB會乖乖食飯,爸爸媽媽不妨參考以下5點:

shutterstock_1088651546

1. 減少奶量

孩子可能因為飲奶飽而減少進食正餐嘅欲望,可以嘗試減少每日餵BB飲奶嘅次數,觀察BB進食正餐嘅分量會唔會多咗。

2. 同家人一齊進餐

孩子都愛模仿大人,請孩子同大人一齊進餐,會挑起孩子模仿大人食嘢嘅舉動,更願意自己拎起匙羹食飯,亦有助於孩子學習進食方法。爸爸媽媽亦可以節省餵孩子食嘢嘅時間。

shutterstock_1267515559

3. 營造專心進餐環境

家長應該喺飯前10分鐘同孩子預告就快食飯,然後同佢一齊做餐前準備,如:收拾玩具、關上電視、洗手等⋯⋯營造一個可以令孩子專心食嘢嘅環境,唔易被分散注意力。

4. 理解孩子食飽嘅訊息

其實,1歲嘅孩子每餐進食分量唔多,一般喺10到20分鐘內就會食飽,所以每餐最多食30分鐘就好。當佢哋唔再專心吃飯或玩食物,就表示已經吃飽。家長可以為孩子擦乾淨雙手同嘴巴,然後指一下佢個肚,教他咁係表示「食飽」,請佢離開飯枱。好多家長會追著孩子餵食,咁做唔單止會延長用餐時間,亦無助於令孩子食多啲;另外,有啲家長覺得孩子食得少,就會畀他們食餅乾或飲奶,但咁做只會令孩子覺得只要唔吃飯,等陣就可以食餅乾同飲奶,令佢哋更加唔會乖乖食飯。

5. 及時稱讚孩子

孩子都渴望得到大人嘅注意,所以父母應喺孩子表現合作、乖乖食飯時或者願意嘗試新食物,對佢微笑,摸一摸佢個頭,或向他豎起拇指,稱讚他做得好,等佢知道你認同佢嘅行為,千祈唔好喺孩子鬧彆扭時馬上注意佢,咁反而會間接鼓勵佢繼續鬧彆扭。當他明白坐定定食飯能夠得到你嘅注意同讚賞,佢自然會做多啲同樣行為。如果孩子鬧彆扭,只要唔會構成危險,爸爸媽媽都應該保持冷靜,唔好理佢。當佢唔再鬧彆扭後,就應該馬上注意佢,叫佢繼續食飯。

shutterstock_1238771077

Text:Mami Editorial

Source: 衛生署

Follow Instagram: mami.presslogic


Share to Facebook