阿嬌陶醉同老公嘅恩愛生活 期待做媽媽

阿嬌陶醉同老公嘅恩愛生活 期待做媽媽

媽媽日常須知
By Mamidaily on 01 Feb 2019

阿嬌做咗賴太後,幸福生活羡煞旁人。結婚左一個多月後,阿嬌仍然陶醉同老公嘅恩愛生活,更打算希望可以盡快為老公誕下結晶品,但怕自己身體唔易懷孕。

早喺3年前阿嬌已經做咗雪卵手術,可惜因為身體差,只雪得3粒卵,當時醫生再建議做多次手術,但阿嬌因為覺得手術後太辛苦打消念頭,指:「做完雪卵手術後,賀爾蒙失調,足足肥咗20磅!好難減得返,但宜家結完婚真係好想為老公誕下小朋友,有一個完滿嘅家。」

123

阿嬌除咗為做媽媽努力外,喺準備婚禮時都搞到自己好心煩。事關阿嬌搞左兩場婚禮,但因為相信朋友介紹,以為可以全心畀婚禮策劃人負責,點知最後搞到要麻煩公司同事幫手,仲要自己一手一腳搞婚禮設計,但慶幸最後婚禮可以完美完成,仲有啲淘醉新婚生活。

喺幸福美滿嘅生活來臨前,阿嬌同老公都經歷過一段矛盾關係。阿嬌透露「曾經擔心同老公嘅遠距離會影響關係,自己又係一個極容易缺乏安全感嘅人,但後來老公都提醒,其實雙方信任好重要,而且叫我唔好俾遠距離去影響到段關係。」

q_gill_49907286_314047106125701_926680201249744081_n

阿嬌對老公嘅愛意簡直係滿瀉,曾隔空作出承諾指「愛是承諾及紀念,一旦付出就永遠不要忘記、永遠不要讓它消逝。」相信二人嘅感情會好堅固,好期待聽到阿嬌做媽媽嘅有好消息。

Text:Mami Editorial

Photo:鍾欣潼@IG

Follow Instagram: MamiDaily


鍾欣潼

Share to Facebook