新年習俗因住做 唔係樣樣小朋友都可以參與

新年習俗因住做 唔係樣樣小朋友都可以參與

媽媽日常須知
By Mamidaily on 31 Jan 2019

新年就快到!傳統新年習俗有好多,雖然現代人未必樣樣做到足,但遇到長老要一家人一齊做,都推唔到,有時更會「熱心」邀請埋BB一齊做!

今次就同大家集合咗幾個成日會做嘅習俗,解決下一啲迷思,有時未必真係唔做得,但或者要叫安排活動嘅家人注意下!

shutterstock_1235703295

年廿八洗邋遢

傳統新年一家就會盡行一年一次大掃除,所有應有盡有嘅清潔用品都拎晒出嚟。有時未必係媽媽做大清潔,有時屋企人會起勢咁用清潔劑,一大陣「清新」嘅味道吸太多可能會唔舒服,曾有人先因同時用潔廁靈同消毒液洗廁所,吸入刺鼻氣體不適入院,所以要提醒屋企人一定要留意唔好用太強味道嘅清潔劑,用漂白水同X露時都要注意份量,BB或者懷孕媽媽必要時可能要避席下呀!

仲有就係用「神奇」碌柚葉沖涼,傳統有指用碌柚葉水沖涼可以消災去病,家人可能會邀請BB一齊沖,媽媽唔洗太擔心,碌柚葉雖然實際無特別嘅清潔功效,亦都唔會有咩害處,除非BB本身有特別過敏情況,如果唔係輕輕沖下涼都無事嘅~

shutterstock_352128002

除夕初一要拜神

為祈求新一年得到保佑,家人可能會安排一大壇拜神儀式,甚至帶BB去拜神。拜祭間嘅香燭煙霧一定對BB同懷孕媽媽有影響,如果本身有哮喘疾病或鼻敏感嘅BB更加係可免則免!神明依家嘢係講心嘅,BB醃到隻眼喊晒咁都唔好,所以要減低BB吸入份量,等大個啲先用香燭同神明溝通,同埋拜神時要確保空氣流通。

shutterstock_1022613280

初一至初三唔洗頭

傳統習俗認為新年頭3日沖涼或者打掃會將一整年福氣洗走晒,但現今社會空氣污染嚴重,新年天氣又回暖,出街拜年接觸嘅人較多,最重要係流感!BB皮膚幼嫩低抗力低,如果唔清潔可能會出現皮膚問題,所以基本清潔係要有㗎!

新年最大願望都係健健康康,開開心心!一切都係講心意,唔好太過執著呀!

Text:Mami Editorial

Photos:Shutterstock

Follow Instagram: MamiDaily


新年習俗

Share to Facebook